တောင်ကြီးမြို့၊ ကျောင်းကြီးစုရပ်ကွက်၊ ဗောဓိမဏ္ဍိုင်ကျောင်း အဆောက်အဦ ဆောက်လုပ်မှုနှင့် ပတ်သက်၍ သက်ဆိုင်ရာသို့ Master Plan တင်ပြထား ဟုဆို - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, September 12, 2020

တောင်ကြီးမြို့၊ ကျောင်းကြီးစုရပ်ကွက်၊ ဗောဓိမဏ္ဍိုင်ကျောင်း အဆောက်အဦ ဆောက်လုပ်မှုနှင့် ပတ်သက်၍ သက်ဆိုင်ရာသို့ Master Plan တင်ပြထား ဟုဆို

ဗျတ္တ

.

တောင်ကြီးမြို့၊ ကျောင်းကြီးစုရပ်ကွက်၊ နယ်မြေ (၈) အတွင်းရှိ ဗောဓိမဏ္ဍိုင်ကျောင်း သာသနာ့ ဝတ္တကမြေ အတွင်း အဆောက်အဦများ ဆောက်လုပ်မှု အခြေအနေနှင့် ပတ်သက်၍ သက်ဆိုင်ရာ ဌာနများသို့ Master Plan တင်ပြ ထားပြီးဖြစ်သည်ဟု အဆိုပါကျောင်း ဆရာတော်ထံက သိရသည်။

.

.

ဗောဓိမဏ္ဍိုင်ကျောင်းတိုက် ပိုင် သာသနာ့ဝတ္တကမြေ ၄ ဒသမ ၅ ဧကပေါ်တွင် ဆောက်လုပ်မည့် အဆောက် အဦ စီမံကိန်း များနှင့်သက်ဆိုင်သည့် Master Plan အား စက်တင်ဘာလ ၇ ရက်က ပြည်နယ်နယ်လယ်ယာမြေစီမံ ခန့်ခွဲရေးနှင့် စာရင်းအင်းဦးစီးဌာနမှူး ဦးဆန်းဝင်းထံသို့ တင်ပြခဲ့ခြင်းဖြစ်သည်စြု သိရသည်။

.

“ကျောင်းမြေနေရာပိုင်ဆိုင်မှုနဲ့ပတ်သက်ပြီး ရှမ်းပြည်နယ်လယ်ယာမြေစီမံခန့်ခွဲရေးနဲ့ စာရင်းအင်းဦးစီး ဌာန ရယ် ရှမ်းပြည်နယ်သာသနာရေးဦးစီးဌာနက တာဝန်ရှိသူတွေ စက်တင်ဘာလ ၃ ရက်နေ့က လာရောက်ကွင်းဆင်းပြီး ဆောက်လုပ်မယ့် သာသနိကအဆောက်အဦတွေရဲ့ Master Plan ကိုတင်ပြခိုင်းပါတယ်။ သူတို့တစ်ဆင့် အစိုးရ အဖွဲ့ကို တင်ပြပေးမယ်လို့ပြောတယ်” ဗေဓီမဏ္ဍိုင်ကျောင်းတိုက်မှ ကျောင်းထိုင်ဆရာတော် ဦးဝါယမ ကမိန့်ကြားသည်။

.

သာသနိကအဆောက်အဦများ ဆောက်လုပ်မည့် Master Plan နှင့်အတူကျောင်းတိုက်မြေနေရာပိုင်ဆိုင်မှုနှင့် ပတ်သက်၍ သက်ဆိုင်ရာအလှူရှင်များမှ ရေစက်ချလှူဒါန်းထားသည့် စာချုပ်စာတန်းများကိုလည်း ပူးတွဲတင်ပြ ထားပြီး ဖြစ်ကြောင်း သိရသည်။

.

ယင်းကဲ့သို့ သာသနိကအဆောက်အဦများ ဆောက်လုပ်မှုနှင့် ပတ်သက်၍ တောင်ကြီးမြို့နယ်စည်ပင်သာယာ ရေးဌာနက ဩဂုတ်လ ၂၉ ရက်က တားမြစ်မှု ဖြစ်ပွားခဲ့ကြောင်း သိရသည်။

.

အဆိုပါ ဗောဓိမဏ္ဍိုင်ကျောင်းရှိ သာသနိကအဆောက်အဦများ ဆောက်လုပ်မှုနှင့် ပတ်သက်၍ ၂၀၁၇ ခုနှစ်၊ ဒီဇင်ဘာလ ၅ ရက်က ပြုလုပ်ခဲ့သည့် တောင်ကြီးမြို့နယ် သံဃာ့နာယကအဖွဲ့ရုံး၏ အစည်းအဝေး ဆုံးဖြတ်ချက်အရ တရားဝင် ဘုန်းတော်ကြီးကျောင်းအဖြစ် အသိအမှတ် ပြုထားပြီးဖြစ်ကြောင်း သိရသည်။

.

No comments:

Post a Comment

Journal Download

Photo of three cats

About