ရေမြောင်းတူးဖော်မှုကြောင့် လူနေအိမ် ပြိုကျမည့် အန္တရာယ် ကြုံတွေ့နေရ ဟုဆို - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, September 19, 2020

ရေမြောင်းတူးဖော်မှုကြောင့် လူနေအိမ် ပြိုကျမည့် အန္တရာယ် ကြုံတွေ့နေရ ဟုဆို

အောင်ဆန်းဝင်း

.

တောင်ကြီးမြို့၊ မြို့မရပ်ကွက်၊ အုတ်ဖိုလမ်းအတွင်းရှိ ရေမြောင်းအား ရှမ်းပြည်နယ်အစိုးရအဖွဲ့၏ ဖွံ့ဖြိုးတိုးတက်ရေး ရန်ပုံငွေဖြင့် တူးဖော်ဆောင်ရွက်လျက်ရှိရာ မြေသားကျွံမှု ဖြစ်ပွားနေပြီး လူနေအိမ်များ ပြိုကျမည့် အန္တရာယ်နှင့် ကြုံတွေ့ နေရကြောင်း သိရသည်။

.

.

ရေမြောင်းတူးဖော်မှုလုပ်ဆောင်နေစဉ်အတွင်း စက်တင်ဘာလ ၁၈ ရက်၊ ညနေ ၄ နာရီခန့်က အနောက်မြို့ပတ် လမ်းပေါ် မေးတင်ဆောက်လုပ်ထားသည့် ၃ ထပ်တိုက်အောက်ခြေဖောင်ဒေးရှင်းများ ပြိုကျပျက်စီးမှု ဖြစ် ပေါ်ခဲ့ပြီး မြို့မရပ်ကွက်၊ အုတ်ဖိုလမ်းရှိ နေအိမ်တစ်လုံးသို့လည်း ဖောင်ဒေးရှင်းအပျက်အစီးများ ကျရောက်သဖြင့် နှစ်ထပ်အိမ်နံရံများ ပျက်စီးမှု ဖြစ်ပွားခဲ့ကြောင်း သိရသည်။

.

“လုပ်တာကတော့ ရှမ်းပြည်နယ်အစိုးရအဖွဲ့ရဲ့ဖွံ့ဖြိုးတိုးတက်ရေးရန်ပုံငွေနဲ့ ကုမ္ပဏီတစ်ခုလုပ်တယ်လို့ပြော တယ်။ ရေမြောင်းတူးနေတုန်း ၃ ထပ်တိုက်အောက်ခြေဖောင်ဒေးရှင်းတွေပြိုကျလာတာပေါ့။ အုတ်ဖိုလမ်းထဲ ၂ ထပ် အိမ်ပေါ်ကျပြီး အိမ်ပျက်စီးမှုတွေဖြစ်ကုန်တယ်။ တစ်ဖက်ကပြိုပြီး ပိလာမှာ ကြောက်တာနဲ့အိမ်မှာလည်း ဘယ်သူမှမနေရဲကြတော့ဘူး ” ဟုအဆိုပါနေရာတွင်နေထိုင်သည့် ကိုစိုင်းတစ် က ကမ္ဘောဇတိုင်းသို့ပြောသည်။

.

အဆိုပါ ၃ ထပ်တိုက်ဆောက်လုပ်ထားသည့်မြေနေရာမှာ ဖို့မြေပေါ်တွင် ဆောက်လုပ်ထားတာဖြစ်သည့်အတွက် မိုးသည်းထန်စွာရွာသွန်းလာပါက ရေမြောင်းအတွင်းရေတိုးအားကြောင့် ပြိုကျလာနိုင်ချေရှိကြောင်း မြို့မ ရပ်ကွက်အတွင်း နေထိုင်သူတစ်ဦးကလည်းပြောသည်။

.

အပူပိုင်းမုန်တိုင်း “ နို ” (NOUL) သည်အားအလွန်ကောင်းလာနိုင်ပြီး စက်တင်ဘာလ ၁၉ ရက်မှ ၂၂ ရက်အတွင်း နေပြည်တော်၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ် (တောင်ပိုင်း) အတွင်းမိုးကြီးနိုင်သည့်အတွက် အဆိုပါသုံးထပ်တိုက်အား မုန်တိုင်းမိုးမကျမီ ပြိုကျပျက်စီး ခြင်းမရှိစေရန် အချိန်မီပြင်ဆင်လိုအပ်နေကြောင်းသိရသည်။

.

No comments:

Post a Comment

Journal Download

Photo of three cats

About