မင်းမင်း
.
ရှမ်းပြည်နယ်မြို့တော် တောင်ကြီးမြို့တွင် နှာခေါင်းစည်း (Mask) မတပ်ဘဲ သွားလာနေသူများအား အဆင့် ၃ ဆင့်ဖြင့် အသိပညာပေးလုပ်ငန်းများ
ဆောင်ရွက်သွားမည်ဖြစ်ကြောင်း သိရသည်။
.
 |
| Photo - Win Naing Soe |
.
“Mask မတပ်ဘဲ သွားလာနေသူတွေကို အရေးယူတာထက် အဆင့် ၃ ဆင့်နဲ့
ပညာပေးလုပ်ငန်းတွေ ဆောင်ရွက် သွားမှာပါ။ Mask ဝယ်ဖို့
အခက်အခဲဖြစ်တဲ့ အခြေခံလူတန်းစား ပြည်သူတွေအတွက် အလှူရှင်တွေနဲ့ ချိတ်ဆက်ပြီး Mask
ဝေတာတွေ လုပ်နေတယ်။ Mask ရှိရင် Mask တပ်တဲ့ အလေ့အကျင့် ရှိလာမယ်ဆိုတဲ့ သဘောနဲ့ ကြိုးစားနေပါ တယ်” ဟု
တောင်ကြီးမြို့နယ် စီမံခန့်ခွဲမှုကော်မတီဥက္ကဋ္ဌ၊ မြို့နယ်အုပ်ချုပ်ရေးမှူး
ဦးဖြိုးမင်းထိုက်က ကမ္ဘောဇတိုင်းသို့ ပြောသည်။
ထို့အတူ တောင်ကြီးမြို့ပေါ်တွင် စေတနာ့ဝန်ထမ်း
ဆောင်ရွက်နေသူ တစ်ဦးကလည်း Mask မတပ်ဆင် သူများကို Mask အခမဲ့ ပေးဝေရာတွင် မယူလိုသူများ ရှိနေပြီး စည်းကမ်းလိုက်နာမှု
အားနည်းနေသည်ဟု ပြောဆို ထားသည်။
.
ထိုသို့ အဆင့် ၃ ဆင့်ဖြင့် အသိပညာပေးရာတွင် ပထမအဆင့်
အနေဖြင့် Mask တပ်ရန်ဆော်ဩခြင်း၊ Mask ဖြန့်ဝေ ပေးခြင်းတို့ကိုလည်းကောင်း၊
ဒုတိယအဆင့်အနေဖြင့် Mask မတပ်ဆင်သူများကို တစ်ကြိမ်လျှင် ၂၀
ဦးနှုန်းဖြင့် အသိပညာပေးဟောပြောခြင်း၊ တတိယအဆင့်အနေဖြင့် ယင်းကဲ့သို့ Mask မတပ်ဆင်သူ များအား တစ်ကြိမ်လျှင် ၂၀ ဦးနှုန်းဖြင့် သတ်မှတ်နေရာ ၃ ခု၌
အသိပညာပေးခြင်းတို့ကိုဆောင်ရွက်ပေးသွားမည်ဖြစ်သည်ဟု သိရသည်။
.
