ကမ္ဘောဇတိုင်း
.
ရှမ်းပြည်နယ် တရားလွှတ်တော် တရားသူကြီးများအဖြစ် ဒေါ်စန္ဒာ
အောင်နှင့် ဦးအောင်သိန်းတို့ကို နိုင် ငံတော် သမ္မတရုံးမှ အမိန့်အမှတ် (၂၅/၂၀၂၀)
နှင့် (၂၆/၂၀၂၀) တို့ဖြင့် စက်တင်ဘာလ ၃ ရက်က ခန့်အပ်ခဲ့ သည်ဟု သိရသည်။
.
.
လက်ရှိ တာဝန် ထမ်းဆောင်နေ သော ရှမ်းပြည်နယ်တရား လွှတ် တော်
တရားသူကြီး ၂ ဦးအနက် တစ် ဦးသည် ဩဂုတ်လ ၂၆ ရက်တွင် အ ငြိမ်းစားယူခဲ့ပြီး
ကျန်တစ်ဦးသည် လည်း အောက်တိုဘာလ ၅ ရက်တွင် အငြိမ်းစားယူမည် ဖြစ်သည့်အတွက်
ရှမ်းပြည်နယ်၏ တရားစီရင်ရေး ကဏ္ဍတွင် ခါးဆက်မပြတ်စေရန် နှင့် နှောင့်နှေး
ကြန့်ကြာမှု မရှိစေရန် အတွက် ရှမ်းပြည်နယ် တရားလွှတ် တော်တရားသူကြီး ၂ ဦးကို
ရှမ်းပြည် နယ်လွှတ်တော်၏ အတည်ပြုချက် ဖြင့် နိုင်ငံတော်သမ္မတမှ ခန့်အပ်ခြင်း
ဖြစ်သည်ဟု သိရသည်။
“၂ ယောက်လုံးက ၅၉ နှစ် တွေ ပါ။ ဦးအောင်သိန်းက မန္တလေးတိုင်း
တရားရေးဦးစီးမှူးကနေ လာတာပါ။ ဒေါ်စန္ဒာအောင် ကတော့ ပဲခူးတိုင်း ဒေသကြီး တရားရေး
ဦးစီးမှူးကနေ အငြိမ်းစားယူထားတာပါ” ဟု ရှမ်း ပြည်နယ်တရား လွှတ်တော်မှ တာ
ဝန်ရှိသူတစ်ဦးက ကမ္ဘောဇတိုင်းသို့ ပြောသည်။
.
ယင်းကဲ့သို့ ရှမ်းပြည်နယ်တရား လွှတ်တော် တရားသူကြီးများ
ခန့်အပ် နိုင်ရေးအတွက် စက်တင်ဘာလ ၂ ရက်က ပြုလုပ်ခဲ့သည့် ဒုတိယအကြိမ် ရှမ်းပြည်နယ်
လွှတ်တော် အကြိမ် ၂၀ မြောက် ပုံမှန် အစည်းအဝေး ပထမ နေ့တွင် ရှမ်းပြည်နယ် ဝန်ကြီးချုပ်
ဒေါက်တာလင်းထွဋ်က လွှတ်တော် သို့ အမည်စာရင်း တင်သွင်းပြီး လွှတ် တော်၏ အတည်ပြုချက်
ရယူခဲ့ခြင်း ဖြစ်ကြောင်း သိရသည်။
.
အဆိုပါ ပြည်နယ်တရားလွှတ် တော်တရားသူကြီး ၂ ဦးသည် ဒေသ ခံ
တိုင်းရင်းသားများ ဖြစ်ကြောင်း လည်း သိရသည်။
.
ရှမ်းပြည်နယ်တရားလွှတ်တော် တွင် လက်ရှိ တာဝန်ထမ်းဆောင်ဆဲ
ပြည်နယ်တရားလွှတ်တော် တရားသူ ကြီးချုပ် ဦးကြွယ်ကြွယ်နှင့် အတူ
ပြည်နယ်တရားလွှတ်တော် တရားသူ ကြီးများဖြစ်သည့် ဒေါ်စန္ဒာအောင်နှင့်
ဦးအောင်သိန်းတို့က တာဝန် ထမ်း ဆောင်သွားမည် ဖြစ်ကြောင်း သိရ သည်။
.
၂၀၀၈ ခုနှစ် နိုင်ငံတော် ဖွဲ့စည်းပုံ အခြေခံဥပဒေ၊ အခန်း
(၆)၊ တရားစီ ရင်ရေး၊ ပုဒ်မ ၃၀၈၊ ပုဒ်မခွဲ (ခ) (၁) တွင် နိုင်ငံတော် သမ္မတသည် ပြည်
ထောင်စုတရားသူကြီးချုပ်၊ သက်ဆိုင် ရာ တိုင်းဒေသကြီး/ပြည်နယ်ဝန်ကြီး ချုပ်တို့နှင့်
ညှိနှိုင်းပြီး သက်ဆိုင်ရာ တိုင်းဒေသကြီး/ ပြည်နယ် တရား လွှတ်တော်
တရားသူကြီးချုပ်အဖြစ် ခန့်အပ်ရန် အမည်စာရင်း ပြုစု၍ ယင်းအမည်စာရင်းကိုလည်းကောင်း၊
သက်ဆိုင်ရာ တိုင်းဒေသကြီး/ပြည် နယ်ဝန်ကြီးချုပ်သည် ပြည်ထောင်စု
တရားသူကြီးချုပ်နှင့် ညှိနှိုင်းပြီးသက် ဆိုင်ရာ တိုင်းဒေသကြီး/ပြည်နယ်
တရားလွှတ်တော် တရားသူကြီးများ အဖြစ် ခန့်အပ်ရန် အမည်စာရင်းကို ပြုစု၍ ယင်း အမည်စာရင်းများကို
လည်းကောင်း သက်ဆိုင်ရာ တိုင်းဒေ သကြီး/ပြည်နယ် လွှတ်တော်သို့ ပေး
ပို့ရမည်ဖြစ်ကြောင်း ပြဌာန်းဖော်ပြ ထားသည်။
.
