တောင်ကြီးမြို့ ဆက်သွယ်ရေးတပ် အနီးတွင် ဆိုင်ကယ် ၂ စီး တိုက်မိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, September 15, 2020

တောင်ကြီးမြို့ ဆက်သွယ်ရေးတပ် အနီးတွင် ဆိုင်ကယ် ၂ စီး တိုက်မိ

စုလှိုင်
.
တောင်ကြီးမြို့၊ သစ်တောရပ်ကွက်၊ အမှတ် (၂၁၂ )ဆက်သွယ်ရေးတပ် အနီးဗိုလ်ချုပ်လမ်းမပေါ်စက်တင်ဘာလ ၁၄ ရက်၊ ည ၆ နာကျော်ခန့်တွင် ဆိုင်ကယ်စီး တိုက်မိကာ မောင်းနှင်သူများ ဒဏ်ရာ ရရှိခဲ့ကြောင်း သိရသည်။
.
တောင်ကြီးမြို့၊ ကျောင်းစုကြီးရပ်ကွက်နေ ကောင်းထက်ဟိန်း မောင်းနှင်လာသည့် မော်တော်ဆိုင်ကယ်သည် အမှတ်(၂၁၂) ဆက်သွယ်ရေးတပ် အနီးသို့ အရောက်တွင် အရှိန် မထိန်းနိုင်ဘဲ တစ်ဘက်ယာဉ်ကြောပေါ်သို့ ရောက်ရှိကာ မျက်နှာချင်းဆိုင် ဘက်မှ အမှတ်(၂၁၂)ဆက်သွယ်ရေးတပ်မှ ဒုတပ်ကြပ် နေမင်း မောင်းနှင်လာသော မော်တော်ဆိုင်ကယ်နှင့် ဝင်ရောက်တိုက်မိကာ တိမ်းမှောက်ခဲ့ခြင်း ဖြစ်ကြောင်း ရဲမှတ်တမ်းများအရ သိရသည်။
.

ယင်းကဲ့သို့ ယာဉ်တိုက်မှုကြောင့် ကောင်းထက်ဟိန်းတွင် ဝဲဘက်လက် နာကျင်ဒဏ်ရာ၊ ယာဘက် ခြေဖမိုး ပေါက်ပြဲဒဏ်ရာနှင့် ဒုတပ်ကြပ် နေမင်းတွင် နဖူးပေါက်ပြဲဒဏ်ရာ၊ ယာဘက်ခြေသလုံး၊ ဒူးလက်ဖမိုး ပေါက်ပြဲဒဏ်ရာများ ရရှိခဲ့သဖြင့် ကောင်းထက်ဟိန်းအား တောင်ကြီးမြို့၊ စဝ်စံထွန်းဆေးရုံသို့ လည်းကောင်း၊ ဒုတပ်ကြပ် နေမင်းအား အမှတ်(၂)စစ်မြေပြင် ဆေးတပ်ရင်းသို့ လည်းကောင်း အသီးသီး ပို့ဆောင်ခဲ့ကြောင်း သိရသည်။
.
အဆိုပါ မော်တော်ဆိုင်ကယ်ကို အရှိန် မထိန်းနိုင်ဘဲ တစ်ဘက် ယာဉ်ကြောရှိ ဆိုင်ကယ်အား မျက်နှာချင်းဆိုင် တိုက်မိတိမ်းမှောက်ခဲ့ပြီး မိမိနှင့် အခြားသူအား ဒဏ်ရာများ ရရှိစေသူ ကောင်းထက်ဟိန်းအား တောင်ကြီးမြို့မရဲစခန်း၌ ယာဉ်(ပ) ၂၀ /၂၀၂၀၊ ရာဇသတ်ကြီးပုဒ်မ ၂၇၉/ ၃၃၇/ ၃၃၈ ဖြင့် အမှုဖွင့် ဆောင်ရွက်ထားကြောင်း သိရသည်။

No comments:

Post a Comment

Journal Download

Photo of three cats

About