ဧရာဝတီကို အနိုင်ယူ၍ ချန်ပီယံလမ်းကြောင်းပေါ်မှာ ဆက်လက် ရပ်တည်နေသည့် ရှမ်းအသင်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, September 24, 2020

ဧရာဝတီကို အနိုင်ယူ၍ ချန်ပီယံလမ်းကြောင်းပေါ်မှာ ဆက်လက် ရပ်တည်နေသည့် ရှမ်းအသင်း

ရှမ်းယူနိုက်တက်အသင်းသည် ယနေ့ (စက်တင်ဘာလ ၂၄ ရက်)၊ ညနေ ၃ နာရီခွဲက ယှဉ်ပြိုင်ကစားခဲ့သည့် မြန်မာနေရှင်နယ်လိဂ် ပွဲစဉ် ၁၈ တွင် ဧရာဝတီယူနိုက်တက်ကို ၂ ဂိုး၊ ၁ ဂိုးဖြင့် အနိုင်ယူပြီး ချန်ပီယံလမ်းကြောင်းပေါ်တွင် ဆက်လက် ရပ်တည်နေလျက် ရှိသည်။

.


 

ရှမ်းအသင်း၏ အနိုင်ဂိုးများကို ပွဲချိန် ၃ မိနစ်တွင် နန္ဒကျော်က လည်းကောင်း၊ ပွဲချိန် ၆၄ မိနစ်တွင် ဇင်မင်းထွန်းက လည်းကောင်း သွင်းယူ၍ ဧရာဝတီယူနိုက်တက်၏ ရှုံးပွဲမရှိ စံချိန်ကို ချိုးဖျက်ခဲ့ခြင်း ဖြစ်ကာ ဧရာဝတီအသင်းအတွက် ချေပဂိုးကို ပွဲချိန် ၅၉ မိနစ်တွင် သီဟဇော်က သွင်းယူပေးခဲ့သည်။

.

ပွဲစဉ် ၁၈ အပြီးတွင် ရှမ်းပြည်နယ် ကိုယ်စားပြု အသင်းအနေဖြင့် ရမှတ် ၃၈ မှတ်ဖြင့် ပွဲစဉ်ဇယား၏ တတိယနေရာတွင်သာ ရပ်တည်နေသော်လည်း ဇယားထိပ်မှ ဟံသာဝတီနှင့် ၂ မှတ်၊ ဒုတိယနေရာမှ ဧရာဝတီနှင့် ၁ မှတ်သာ ကွာဟနေခြင်းကြောင့် ချန်ပီယံ လမ်းကြောင်းပေါ်တွင် တည်ရှိနေခြင်း ဖြစ်သည်။

.

လက်ရှိချန်ပီယံ ရှမ်းအသင်းသည် လက်ကျန်ပွဲစဉ် ၂ ပွဲ အဖြစ် စက်တင်ဘာလ ၂၇ ရက်တွင် ဆောက်သမ်းမြန်မာအသင်းနှင့် လည်းကောင်း၊ အောက်တိုဘာလ ရက်တွင် ရတနာပုံအသင်းနှင့်လည်းကောင်း ယှဉ်ပြိုင်ကစားရမည် ဖြစ်သည်။

.

ထို့အတူ ဟံသာဝတီအသင်းသည် စက်တင်ဘာ ၂၆ တွင် မကွေးအသင်း၊ ဧရာဝတီအသင်းသည် စက်တင်ဘာ ၂၇ တွင် ရန်ကုန်အသင်းနှင့် ယှဉ်ပြိုင်ကစားပြီးနောက် အောက်တိုဘာ ၁ ရက်တွင် ဟံသာဝတီနှင့် ဧရာဝတီတို့ ထိပ်တိုက်တွေ့ဆုံ ယှဉ်ပြိုင်ကစားရမည် ဖြစ်၍ ချန်ပီယံဖလား ကိုင်မြှောက်ခွင့် ရရှိရေးအတွက် အသင်းကိုယ်စီက အကြိတ်အနယ် ယှဉ်ပြိုင်ကစားလာကြမည် ဖြစ်သည်။

No comments:

Post a Comment

Journal Download

Photo of three cats

About