ကမ္ဘောဇတိုင်း
.
တောင်ကြီးတက္ကသိုလ်ရှိ Facilities Quarantine Center တွင်
ကိုယ်အပူချိန်မြင့်မားမှုကြောင့် ယမန်နေ့ စက်တင်ဘာလ ၄ ရက်၊ ညပိုင်းက တောင်ကြီးမြို့၊
စဝ်စံထွန်းဆေးရုံသို့ ပို့ဆောင်ခဲ့သည့် အမျိုးသမီးသည် ယနေ့ စက်တင်ဘာလ ၅ ရက်၊ နံနက်ပိုင်းတွင်
သေဆုံးမှု ဖြစ်ပွားခဲ့ကြောင်း သိရသည်။
.
.
“သူက နှလုံးဖောက်ပြီး ဆုံးတာလို့တော့ စဝ်စံထွန်းဆေးရုံက ပြောပါတယ်။
သူ့ရဲ့ ဓါတ်ခွဲနမူနာကတော့ စဝ်စံထွန်းကယူပြီး ဒီနေ့ပို့ပေးမယ်လို့ပြောပါတယ်”ဟု ရှမ်းပြည်နယ်ပြည်သူ့ကျန်းမာရေးဦးစီးဌာနမှလက်ထောက် ညွှန်ကြား ရေးမှူး ဒေါက်တာဇဝနကိုက ကမ္ဘောဇတိုင်းသို့ ပြောသည်။
အဆိုပါ သေဆုံးသူသည် ထိုင်းနိုင်ငံမှ ပြန်လာသူတစ်ဦးဖြစ်ပြီး တောင်ကြီးတက္ကသိုလ်
Facilities
Quarantine Center တွင် အသွားအလာ ကန့်သတ်စောင့်ကြည့်မှု ခံယူခဲ့ခြင်းဖြစ်ကာ
၎င်း၏ ဓါတ်ခွဲနမူနာများကို ရန်ကုန်မြို့သို့ ပို့ဆောင် စစ်ဆေးသွားမည်ဖြစ်သည်ဟု သိရသည်။
.
ယင်း တောင်ကြီးတက္ကသိုလ် Facilities Quarantine Center တွင် ကိုယ်ဝန်ဆောင်မိခင် ၂၃ ဦး အပါအဝင် ကျား ၅၄
ဦး၊ မ ၆၄ ဦး၊ စုစုပေါင်း ၁၁၈ ဦးတို့ကို အသွားအလာ
ကန့်သတ်စောင့်ကြည့်ထားခြင်းဖြစ်ကြောင်း သိရသည်။
.
