အောင်ဆန်းဝင်း
.
တောင်ကြီးမြို့၊ အမှတ်(၂)အခြေခံပညာအထက်တန်းကျောင်းရှိ Quarantine Center ၌ အသွားအလာ ကန့်သတ်ထားသူ အမျိုးသားသည် အမောဖောက်လာသဖြင့် ယနေ့ (စက်တင်ဘာလ ၂၀ ရက်)၊ နံနက်ပိုင်းက စဝ်စံထွန်းဆေးရုံသို့ ပို့ဆောင်၍ ဆေးကုသမှုခံယူနေစဉ် ကွယ်လွန်သွားခဲ့ကြောင်း သိရသည်။
.
ကွယ်လွန်သူမှာ အသက် ၆၇ နှစ်အရွယ် တောင်ကြီးမြို့၊ ကံကြီးရပ်ကွက်တွင် နေထိုင်သူ အမျိုးသား ဖြစ်ကာ ရန်ကုန်မြို့တွင် ဆေးကုသမှု ခံယူပြီးနောက် ကိုယ်ပိုင်ယာဉ်ဖြင့် တောင်ကြီးမြို့သို့ စက်တင်ဘာလ ၁၈ ရက်က ပြန်လည် ရောက်ရှိလာသူ ဖြစ်ကြောင်း သိရသည်။
.
၎င်းသည် တောင်ကြီးမြို့သို့ ပြန်လည် ရောက်ရှိပြီးနောက် တောင်ကြီးမြို့၊ အမှတ် (၂) အခြေခံပညာ အထက်တန်းကျောင်းတွင် ဖွင့်လှစ်ထားသည့် Quaratine Center သို့ ဝင်ရောက်ခဲ့ခြင်း ဖြစ်ပြီး ၎င်း၏ ဓါတ်ခွဲနမူနာအား ရယူထားပြီး ဖြစ်ကာ စက်တင်ဘာလ ၂၁ ရက်တွင် ဓါတ်ခွဲစစ်ဆေးသွားမည် ဖြစ်ကြောင်း သိရသည်။
