ပုံပါကျင်တွင် သစ္စာစီမံချက်ဖြင့် ကွင်းဆင်းဆောင်ရွက်ခဲ့သော နိုင်ငံသားစိစစ်ရေးကတ်ပြားများ ပေးအပ်

စိုင်းသိင်္ခသူ

.

မိုင်းဆတ်ခရိုင်၊ မိုင်းတုံမြို့နယ်၊ ပုံပါကျင်မြို့၊ မိုင်းဟန်ကျေးရွာအုပ်စု၊ နားကောင်းမူး (လားဟူ) ကျေးရွာတွင် သစ္စာစီမံချက်ဖြင့် ကွင်းဆင်းဆောင်ရွက်ခဲ့သော နိုင်ငံသားစိစစ်ရေးကတ်ပြားများအား စက်တင်ဘာလ ၃ ရက်၊ နံနက်ပိုင်းက ပေးအပ်ခဲ့ကြောင်း သိရသည်။

.

.

“ရွေးကောက်ပွဲနီးလို့ မှတ်ပုံတင် ပျောက်နေသူတွေ၊ မှတ်ပုံတင်လုပ်ဖို့ ကွင်းဆင်းစဉ်တုန်းက တောင်ယာတို့၊ ခရီးလွန်တို့ ကျန်နေသူတွေကိုလည်း စိစစ်လုပ်ပေးနေပါတယ်” ဟု ပုံပါကျင်မြို့၊ လူဝင်မှုကြီးကြပ်ရေးနှင့် ပြည်သူ့ အင်အားဆိုင်ရာရုံးမှ ဦးကျော်စွာဝင်းက ပြောသည်။

.

ထို့သို့ပေးအပ်ရာတွင် ပုံပါကျင်မြို့ လူဝင်မှုကြီးကြပ်ရေးနှင့်ပြည်သူ့အင်အားဆိုင်ရာဦးစီးဌာနမှ နားကောင်းမူး (လားဟူ)ကျေးရွာ၌ သစ္စာစီမံချက်ဖြင့်ကွင်းဆင်းဆောင်ရွက်ခဲ့သော နိုင်ငံသားစိစစ်ရေး ကတ်ပြား ၂၃ ခုကို  ပုံပါကျင်မြို့ ဦးစီးမှူး ဦးကျော်စွာဝင်းနှင့်တာဝန်ရှိသူများက လက်ဝယ်အရောက် ပေးအပ်ခဲ့ခြင်းဖြစ်ကြောင်း သိရသည်။

.