တောင်ကြီးမြို့နယ်မှ လယ်ယာထုတ်ကုန်များ ဈေးကွက်သို့ အချိန်မီပို့ဆောင်နိုင်ရေးအတွက် နန်းလတ်ချောင်းကူး ကုန်ထုတ်တံတား တည်ဆောက် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, September 6, 2020

တောင်ကြီးမြို့နယ်မှ လယ်ယာထုတ်ကုန်များ ဈေးကွက်သို့ အချိန်မီပို့ဆောင်နိုင်ရေးအတွက် နန်းလတ်ချောင်းကူး ကုန်ထုတ်တံတား တည်ဆောက်


ငြိမ်းသူ
.
တောင်ကြီးခရိုင်၊ တောင်ကြီးမြို့နယ်၊ မိုင်းသော်အရှေ့ကျေးရွာအုပ်စုနှင့် သံတဲကျေးရွာအုပ်စုအတွင်းရှိ လယ်ယာ ထွက်ကုန်များ ဈေးကွက်သို့ အချိန်မီ ရောက်ရှိစေရေးအတွက် Eastern Stages Agri Business Project (ESAP) စီမံကိန်း ထောက်ပံ့ရန်ပုံငွေဖြင့် နန်းလတ်ချောင်းကူးကုန်ထုတ်တံတား တည်ဆောက်လျက်ရှိကြောင်း သိရသည်။
.
.
နန်းလတ်ချောင်းကူးကုန်ထုတ်တံတားမှာ အရှည် ၆၀ ပေ အကျယ် ၁၄ ပေ အမြင့် ၁၁ ပေ ရှိပြီး တောင်ကြီးမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ၂၀၁၉- ၂၀၂၀ခု ဘဏ္ဍာနှစ် Eastern States Agri Business Project(ESAP)စီမံကိန်း ထောက်ပံ့ရန်ပုံငွေကျပ် ၈၇ ဒသမ ၈၄၇သန်း ဖြင့်တင်ဒါအောင်မြင်သော သူရိန်ဇော်ကုမ္ပဏီ မှယခုနှစ် မေလအတွင်းကစတင်၍တာဝန်ယူ တည်ဆောက်နေခြင်းဖြစ်ပြီး ယခုအချိန်တွင် ၂၅ ရာခိုင်နှုန်းအထိ ပြီးစီးနေပြီဖြစ်ကြောင်း သိရသည်။
.
အဆိုပါ နန်းလတ်ချောင်းကူးတံတား တည်ဆောက်ပြီးစီးပါက မိုင်းသော်အရှေ့နှင့် သံတဲကျေးရွာအုပ်စုအတွင်းရှိ မိုးစပါး စံပြစိုက်ခင်း ဧက ၉၀၀ ကျော်မှ လယ်ယာထွက်ကုန်များအား ဈေးကွက်သို့ အချိန်မီ တင်ပို့နိုင်ရေး အထောက်အကူပြု စေမည်ဖြစ်သည့်အပြင် အိမ်ခြေ ၂၅၆၃ အိမ်မှဒေသခံပြည်သူ ၁၈၇၅၈ ဦးမှာ လမ်းပန်းဆက်သွယ်မှုကောင်းမွန်လာမည် ဖြစ်ကြောင်း သိရသည်။
.
နန်းလတ်ချောင်းကူးကုန်ထုတ်တံတား တည်ဆောက်နေမှုအခြေအနေအား ရှမ်းပြည်နယ်တောင်ပိုင်းကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ ပြည်နယ်ဦးစီးမှူး ဦးမောင်မောင်ဝင်း၊ ဆည်မြောင်းနှင့်ရေအသုံးချမှုစီမံခန့်ခွဲရေးဦးစီး ဌာနမှ ပြည်နယ်ဦးစီးမှူး ဦးထွန်းထွန်းဦး နှင့်အင်ဂျင်နီယာများ၊ Eastern States Agri Business Project (ESAP) စီမံကိန်း ရုံးမှတာဝန်ရှိသူများသည် စက်တင်ဘာလ ၅ ရက်၊ နံနက်ပိုင်းက ကွင်းဆင်းကြည့်ရှုစစ်ဆေးရာ ကုမ္ပဏီမှ တာဝန်ရှိသူများက လက်ရှိတံတား တည်ဆောက်နေမှု အခြေအနေများနှင့် ပတ်သက်၍ရှင်းလင်းတင်ပြခဲ့ပြီး လုပ်ငန်း အချိန်မီပြီးစီးရေး သတ်မှတ် စံချိန်စံညွှန်း ပြည့်မှီရေးအလေးထား ဆောင်ရွက်သွားကြရန် ပြည်နယ်ဦးစီးမှူး ဦးမောင်မောင်ဝင်း က မှာကြားခဲ့ကြောင်းသိရသည်။
.

No comments:

Post a Comment

Journal Download

Photo of three cats