မိုင်းယောင်းမြို့နယ်တွင် အသက် ၈၀ နှင့် ၈၅ နှစ်ကြား ဘိုးဘွားများအား ငွေကြေးထောက်ပံ့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, September 26, 2020

မိုင်းယောင်းမြို့နယ်တွင် အသက် ၈၀ နှင့် ၈၅ နှစ်ကြား ဘိုးဘွားများအား ငွေကြေးထောက်ပံ့

စိုင်းအောင်ဇော်လင်း

.

တာချီလိတ်ခရိုင်၊ မိုင်းယောင်းမြို့နယ် အထွေထွေအုပ်ချုပ်ရေးဦးစီးဌာနရုံး၊ အစည်းအဝေးခန်းမတွင် ယနေ့ စက်တင်ဘာလ ၂၆ ရက်၊ နံနက်ပိုင်းက အသက် ၈၀ နှင့် ၈၅ နှစ်ကြား သက်ကြီးဘိုးဘွားများအား ငွေကြေး ထောက်ပံ့ခြင်း အခမ်းအနား ပြုလုပ်ခဲ့ကြောင်း သိရသည်။

.

.

ထိုသို့ ထောက်ပံ့ပေးအပ်ရာတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်း ဦးစီးဌာနမှ COVID-19 စီးပွားရေးကုစားမှုအစီအစဉ်အရ မိုင်းယောင်းမြို့နယ်အတွင်းရှိ အသက် ၈၀ နှစ်နှင့် အသက် ၈၅ နှစ်အကြားရှိ ဘိုးဘွားအတွက် အလှူငွေကို သက်ဆိုင်ရာ ရပ်ကွက်/ကျေးရွာအုပ်စု အုပ်ချုပ်ရေးမှူများထံသို့ ပေးအပ်ခဲ့ ကြောင်း သိရသည်။

.

ထို့နောက်  မြို့ပေါ်ရပ်ကွက်ရှိ ဘိုးဘွားများအား မြို့နယ်စီမံခန့်ခွဲမှုကော်မတီဥက္ကဋ္ဌ မြို့နယ်အုပ်ချုပ်ရေးမှူး ဦးညီညီဝင်း၊ လူမှုဝန်ထမ်းဦးစီးဌာနမှ တာဝန်ခံ ဒေါ်နန်းကိန်ခိုင်၊ သက်ဆိုင်ရာ ရပ်ကွက်အုပ်ချုပ်ရေးမှူးနှင့် ရပ်ကွက်စာရေးများက ထောက်ပံ့ငွေများကို အိမ်တိုင်ရာရောက် ပေးအပ်ခဲ့ကြောင်း သိရသည်။

.

အဆိုပါ ထောက်ပံ့မှုတွင် မိုင်းယောင်းမြို့နယ်အတွင်းရှိ သက်ကြီးဘိုးဘွား ၁၄၄ ဦးအား တစ်ဦးလျှင် ငွေကျပ် ၃ သောင်း နှုန်းစီဖြင့် ထောက်ပံ့ပေးအပ်ခဲ့ခြင်းဖြစ်ကြောင်း သိရသည်။

.

No comments:

Post a Comment

Journal Download

Photo of three cats

About