မိုးနဲမြို့နယ်အားကစားကွင်း အထူးတန်းပွဲကြည့်စင်တည်ဆောက်မှု ရာနှုန်းပြည့် ပြီးစီး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, September 30, 2020

မိုးနဲမြို့နယ်အားကစားကွင်း အထူးတန်းပွဲကြည့်စင်တည်ဆောက်မှု ရာနှုန်းပြည့် ပြီးစီး

မျိုးညွန့်ရွှေ (မိုးနဲ)

.

လင်းခေးခရိုင်၊ မိုးနဲမြို့နယ် အားကစားကွင်း အထူးတန်းပွဲကြည့်စင် တည်ဆောက်မှု ရာနှုန်းပြည့် ပြီးစီးနေပြီဖြစ် ကြောင်း သိရသည်။

.

.

အဆိုပါ မိုးနဲအားကစားကွင်း အထူးတန်းပွဲကြည့်စင်ကို ၂၀၁၉-၂၀၂၀ ဘဏ္ဍာရေးနှစ် ကျန်းမာရေးနှင့် အားကစားဝန်ကြီး ဌာန၊ ရှမ်းပြည်နယ်အားကစားနှင့် ကာယပညာဦးစီးဌာန၏ ခွင့်ပြုရန်ပုံငွေ ကျပ်သန်း ၁၅၀ ဖြင့် ဟိန်းဈာန်အောင် ဆောက်လုပ်ရေးကုမ္ပဏီက တာဝန်ယူကာ ၂၀၂၀ ပြည့်နှစ် ဇန်နဝါရီလက စတင် တည်ဆောက်ခဲ့ခြင်းဖြစ်ကြောင်း သိရသည်။

.

ပွဲကြည့်စင်အောက်တွင် နားနေခန်း၊ အဝတ်လဲခန်း၊ ဒိုင်လူကြီးခန်း၊ ဆေးအဖွဲ့အခန်းများအပြင် သန့်စင်ခန်းများလည်း ပါဝင်မည်ဖြစ်ပြီး ပွဲကြည့်စင်၏ အတိုင်းအတာများမှာ အလျား ၁၀၀ ပေ၊ အနံ ၃၀ ပေနှင့် အမြင့် ၂၇ ပေ ရှိကြောင်း မိုးနဲ မြို့နယ် အားကစားနှင့်ကာယပညာဦးစီးဌာနမှူး ဒေါ်နန်းသန်းသန်းစိုးထံက သိရသည်။

.

အထူးတန်းပွဲကြည့်စင် ပြီးစီးသွားသည့်အတွက် အားကစားပြိုင်ပွဲများ ကျင်းပပြုလုပ်ရာတွင် ပရိသတ်များ သက်သောင့်သက်သာ ကြည့်ရှုနိုင်ခြင်းကြောင့် အားကစားကို ပိုမိုစိတ်ဝင်စားလာနိုင်ခြင်း၊ ပွဲကြည့်စင် ရှိခြင်းကြောင့် အားကစားပြိုင်ပွဲ ပြုလုပ်ရာတွင် အခက်အခဲမရှိခြင်း၊ မျိုးဆက်သစ်အားကစားသမားများ ပိုမိုပေါ်ထွက်လာနိုင်ခြင်း၊ ပြိုင်ပွဲများ စဉ်ဆက်မပြတ် ကျင်းပနိုင်ခြင်းကြောင့် မြို့နယ်၏ အားကစားကဏ္ဍ ပိုမိုတိုးတက်လာနိုင်ခြင်း စသည့် အကျိုးကျေးဇူးများကို ခံစားရရှိစေမည်ဖြစ်ကြောင်း ဒေါ်နန်းသန်းသန်းစိုးက ဆက်လက်ပြောဆိုခဲ့သည်။

.

No comments:

Post a Comment

Journal Download

Photo of three cats

About