ကျိုင်းတုံတွင် Mask မတပ်သူများကို အရေးယူမည် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, September 9, 2020

ကျိုင်းတုံတွင် Mask မတပ်သူများကို အရေးယူမည်


နန်းထက်ထက်
.
ကျိုင်းတုံမြို့တွင် Mask မတပ်ဆင်သူများကို အသိပညာပေး လုပ်ငန်းများ ဆောင်ရွက်နေလျက်ရှိပြီး ဒဏ်ရိုက် အရေးယူမှုများကို ဆက်လက် ဆောင်ရွက်သွားမည် ဖြစ်ကြောင်း သိရသည်။
.

အခုတော့ အသိပညာ ပေးတဲ့ လုပ်ငန်းတွေ နေ့စဉ် ဆောင်ရွက်နေတယ်။ မဖြစ်မနေ အပြင်ထွက်ရင် Mask တပ်ဖို့ ညွှန်ကြားချက်တွေလည်း ထုတ်ပြန် ပေးထားတယ်။ ဈေးတွေမှာ ဈေးရောင်းသူ အားလုံး Mask မတပ်ရင် ရောင်းတဲ့ဆိုင်ကို ဈေးရဲ့ စီမံခန့်ခွဲရေး နည်းလမ်းနဲ့ ဆိုင်ပိတ်သိမ်းခြင်း၊ ယာယီရပ်ဆိုင်းခြင်း အဲဒီလိုတွေ ဆောင်ရွက်ပါတယ်။ လက်ရှိမှာတော့ ပြည်သူတွေကို ပထမအနေနဲ့ Mask ဝယ် တပ်ခိုင်းတယ်။ အဲဒီထက် လွန်လာရင်တော့ အထက်ဌာနနဲ့ ညှိနှိုင်းပြီး အထက်ဌာနတွေရဲ့ ညွှန်ကြားချက်အရ ပြင်းပြင်းထန်ထန် ဆက်လက် အရေးယူ ဆောင်ရွက်သွားမှာ ဖြစ်ပါတယ်ဟု ကျိုင်းတုံမြို့နယ် စီမံခန့်ခွဲမှုကော်မတီဥက္ကဋ္ဌ၊ မြို့နယ်အုပ်ချုပ်ရေးမှူး ဦးမိုးဆန်းထွန်းက ကမ္ဘောဇတိုင်းသို့ ပြောသည်။
.
ထို့အပြင် ကျိုင်းတုံမြို့နယ် အတွင်းရှိ KTV ဆိုင်များအား ဖွင့်လှစ်မှု ရှိ/မရှိ စစ်ဆေး ဆောင်ရွက်ခဲ့ရာ ဖွင့်လှစ် ထားသည့် KTV ဆိုင် တစ်ဆိုင်အား သဘာဝ ဘေးအန္တရာယ်ဆိုင်ရာ စီမံခန့်ခွဲရေး ဥပဒေဖြင့် အရေးယူခဲ့ပြီး ညမထွက်ရ အမိန့်ကို ကျူးလွန်သူ အမျိုးသား ၁၇ ဦးနှင့် အမျိုးသမီး ၆ ဦး တို့ကိုလည်း ပုဒ်မ ၁၄၄ ဖြင့် အမှုဖွင့် အရေးယူခဲ့ကြောင်း သိရသည်။

No comments:

Post a Comment

Journal Download

Photo of three cats

About