လားရှိုးတွင် အမျိုးသား တစ်ဦးက ၎င်း၏နေအိမ်အား မီးရှို့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, September 9, 2020

လားရှိုးတွင် အမျိုးသား တစ်ဦးက ၎င်း၏နေအိမ်အား မီးရှို့


မင်းဇော်မင်း
.
လားရှိုးမြို့၊ ရပ်ကွက်(၅)စက်တင်ဘာလ ၉ ရက် နံနက်ပိုင်းတွင် အမျိုးသား တစ်ဦးက ၎င်း၏နေအိမ်အား မီးရှို့ခဲ့သဖြင့် မီးလောင်မှု ဖြစ်ပွားခဲ့ကြောင်း လားရှိုးခရိုင် မီးသတ်တပ်ဖွဲ့မှ သိရသည်။
.
စိတ်ပေါသွပ်သူဆိုတော့ အမှု မဖွင့်ပါဘူး၊ အခြားအိမ်တွေလည်း မလောင်ဘူး၊ ပြောချင်တာကတော့ ရပ်ကွက်အတွင်းမှာ လမ်းတွေ ကျဉ်းတော့ မီးသတ်ကား ဝင်/ထွက် လွယ်အောင် လုပ်ထားသင့်ပါတယ်ဆုံးရှုံးမှု တန်ဖိုးက မီးသတ်ကား ရောက်ဖို့ မလွယ်ရင် ပိုမို ကြီးမားတတ်ပါတယ်။” ဟု လားရှိုးခရိုင် မီးသတ်ဦးစီးဌာနမှူး ဦးအောင်ဇော်လင်းက ပြောသည်။
.

လားရှိုးမြို့၊ အမှတ်(၅)ရပ်ကွက်၊ နယ်မြေ(၂၀)၊ ရေတွင်းလမ်းနေ အသက်  ၄၂ နှစ် အရွယ် အမျိုးသားတစ်ဦးသည် ၎င်း၏ တစ်ထပ် နေအိမ်အား ခြုံစောင်များ စုပုံ၍ မီးရှို့ရာမှ မီးလောင်ကျွမ်းမှု ဖြစ်ပွားခဲ့ခြင်း ဖြစ်ပြီး မီးသတ် တပ်ဖွဲ့ဝင်များ၊ ဒေသခံပြည်သူများက မီးသတ်ယာဉ် ၆ စီးနှင့်အတူ မီး ငြိမ်းသတ်ခဲ့ခြင်းကြောင့် အခြား နေအိမ်များသို့ မီးကူးစက် လောင်ကျွမ်းမှု မရှိခဲ့ဘဲ လူနှင့် တိရစ္ဆာန်များလည်း ထိခိုက်မှု မရှိကြောင်း သိရသည်။
.
အဆိုပါ အမျိုးသားမှာ စိတ် ကျန်းမာရေး မကောင်းသူ ဖြစ်ခြင်းကြောင့် မြန်မာနိုင်ငံရဲတပ်ဖွဲ့မှ အရေးယူခြင်း မပြုလုပ်ကြောင်း သိရသည်။

No comments:

Post a Comment

Journal Download

Photo of three cats

About