COVID-19 ရောဂါ ဓါတ်ခွဲအတည်ပြုလူနာ အမှတ် (၁၉၇၅) ဝင်ရောက်နားခဲ့သည့် ကျောက်မဲမြို့ရှိ စားသောက်ဆိုင် တစ်ခုမှ ဆိုင်ရှင်နှင့် ဝန်ထမ်းများအား Home Quarantine ထားရှိ

မိုင်းထွန်း

.

COVID-19 ရောဂါ ဓါတ်ခွဲအတည်ပြုလူနာ အမှတ် (၁၉၇၅) ဝင်ရောက်နားခိုခဲ့သည့် ကျောက်မဲမြို့၊ ပန်ပေါင်းကျေးရွာရှိ နှင်းတောင်တန်း (၂) စားသောက်ဆိုင်အား ယမန်နေ့ စက်တင်ဘာလ ၁၁ ရက်မှစတင်၍ Lock Down ပြုလုပ်ပြီး ဆိုင်ရှင်နှင့် ဝန်ထမ်း ၁၅ ဦးတို့အား Home Quarantine ထားရှိထားကြောင်း သိရသည်။

.

.

အဆိုပါ ဓါတ်ခွဲအတည်ပြုလူနာ အမှတ် (၁၉၇၅) သည် စစ်ကိုင်တိုင်းဒေသကြီး၊ ကလေးမြို့နသူဖြစ်ကာ တရုတ်နိုင်ငံမှပြန်လာသူဖြစ်ပြီး မူဆယ်မြို့မှတဆင့် လားရှိုးမြို့ သို့ ဩဂုတ် ၃၁ ရက်‌နေ့ တွင်ရောက်ရှိကာ  လားရှိုးမြို့ ၊ နားမခေါ်ကားကွင်းရှိ SMC ဧည့်ရိပ်မွန်၌ ၃ ညတာ တည်းခိုခဲ့ပြီး စက်တင်ဘာ ၃ ရက်နေ့မှ လားရှိုး- မန္တလေးသို့ပြေးဆွဲသည့် ရတနာ ကား  ဖြင့် မန္တလေးသို့ သွားစဉ် ကျောက်မဲမြို့ နှင်းတောင်တန်း ၂ စားသောက်ဆိုင်တွင် ခေတ္တ ဝင်ရောက်နားခဲ့  ခြင်းဖြစ်ကြောင်းသိရသည်။

.

ယင်း အတည်ပြုလူနာ (၁၉၇၅) နှင့် ပတ်သက်၍ လားရှိုးမြို့ရှိ ၎င်း တည်းခိုခဲ့သည့် တည်းခိုခန်းကိုလည်း စက်တင်ဘာလ ၁၁ ရက်တွင် Lock Down ပြုလုပ်ထားပြီး တည်းခိုခန်းဝန်ထမ်းများအပါအဝင် ထိတွေ့ခဲ့သူများ၊ လာရောက်တည်းခိုသူများ အားလုံးကို Facilities Quarantine ပြုလုပ်ထားကာ Quarantine ဝင်ရောက်နေသူ အားလုံး၏ ဓါတ်ခွဲနမူနာများကို ပေးပို့စစ်ဆေးသွားမည်ဖြစ်ကြောင်း သိရသည်။

.