မိုင်းထွန်း
.
ကျောက်မဲမြို့တွင် စက်တင်ဘာလ ၁၇ ရက်၊ နေ့လယ်ပိုင်းက ခင်ပွန်းမှ
ဇနီးဖြစ်သူအား ဓါတ်ဆီးလောင်းပြီး ခြိမ်းခြောက် မီးရှို့မှု ဖြစ်ပွားခဲ့ကြောင်း သိရသည်။
.
ကျောက်မဲမြို့၊ အမှတ် (၁) ရပ်ကွက်၊ နယ်မြေ (၁၂)၊ ပြိန်းနင်ရပ်နေ
တင်ဝင်းမောင် (ခ) ဒူးရှည်နှင့် ဇနီးဖြစ်သူတို့သည် စက်တင်ဘာလ ၁၇ ရက်၊ မွန်းလွဲ ၁ နာရီခန့်က
လင်မယားချင်း စကားများ ရန်ဖြစ်ရာမှ ဇနီးဖြစ်သူက သေချင်ကြောင်း ပြောသဖြင့် ခင်ပွန်းဖြစ်သူက
ဓါတ်ဆီလောင်းပေးခဲ့ပြီး ဘုရားစင်ပေါ်မှ
မီးခြစ်ကို ဇနီး အား ယူပေးခဲ့ကာ ဇနီးသည်အား ကိုယ်တိုင်မီးမရှို့ပါက
ဓါးဖြင့်ခြေလက်များ ဖြတ်တောက်ပစ်မည်ဟု ကြိမ်းဝါးပြောဆိုခဲ့ခြင်းကြောင့် ဇနီးသည်မှာ
ကြောက်လန့်၍ မီးခြစ်ကိုခြစ်မိရာမှ ၎င်း၏ ပါးစပ်၊ နားရွက်၊ လည်ပင်း၊ ရင်ဘတ်၊ ဝဲဘက်လက်မောင်း/လက်ဖမိုး တို့တွင် မီးလောင်ကျွမ်းခဲ့ပြီး
ကျောက်မဲခရိုင်ဆေးရုံကြီးတွင် ဆေးကုသမှုခံယူလျက်ရှိကြောင်းသိရှ်ိရပါသည်။
.
အဆိုပါ လက်နက်ကိုင် ခြိမ်းခြောက်ပြီး ဇနီးသည်အား မီးရှို့လောင်ကျွမ်းစေသူ
တင်ဝင်းမောင်ကို ရာဇသတ်ကြီးပုဒ်မ ၃၂၆ /၅၀၆ တို့ဖြင့်ကျောက်မဲမြို့မ ရဲစခန်းတွင် အမှုဖွင့်အရေးယူဆောင်ရွက်လျက်ရှိကြောင်း
သိရသည်။
.
