.
COVID-19 ပိုးတွေ့ အတည်ပြု လူနာအမှတ်(၁၉၇၅)နှင့် ဆက်စပ်သည့် ကျောက်မဲမြို့နယ်မှ
၁၅ ဦး၏ ဓါတ်ခွဲ အဖြေတွင် ပိုး မတွေ့ကြောင်း သိရသည်။
.
ကျောက်မဲမြို့၊ ပန်းပေါင်းကျေးရွာရှိ စားသောက်ဆိုင် တစ်ခုမှ ၁၅ ဦး၏ ဓါတ်ခွဲ နမူနာများကို စက်တင်ဘာလ
၁၂ ရက်တွင် ပြည်သူ့ကျန်းမာရေး ဓါတ်ခွဲမှုဆိုင်ရာဌာန(မန္တလေး)သို့
ပေးပို့ စစ်ဆေးခဲ့ရာ ပိုး မတွေ့ အဖြေ ရရှိခဲ့ခြင်း ဖြစ်ပြီး ကျောက်မဲမြို့နယ်
အတွင်းရှိ အသွားအလာ ကန့်သတ်စောင့်ကြည့်ရေး စင်တာ၌ စောင့်ကြည့်ထားသူများ၏
ဓါတ်ခွဲနမူနာများတွင်လည်း
ပိုး မတွေ့ကြောင်း သိရသည်။
.
ကျောက်မဲမြို့နယ်တွင် COVID-19 ကပ်ရောဂါ အဖြစ်များသော ဒေသများမှ
ပြန်လာသည့် သူများနှင့် ပြည်ပနိုင်ငံများမှ
ပြန်လာသည့်သူများကို အသွားအလာ ကန့်သတ် စောင့်ကြည့်သည့်စင်တာတွင် ထားရှိပြီးနောက်
၎င်းတို့၏ ဓါတ်ခွဲနမူနာများကို ပြည်သူ့ကျန်းမာရေး ဓါတ်ခွဲမှုဆိုင်ရာဌာန(မန္တလေး)သို့
ပေးပို့ စစ်ဆေးနေခြင်း ဖြစ်ကြောင်း သိရသည်။
