ကလောတွင် မော်တော်ယာဉ် တစ်စီး ချောက်ထဲ ထိုးကျ၍ ယာဉ်မောင်း သေဆုံး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, September 14, 2020

ကလောတွင် မော်တော်ယာဉ် တစ်စီး ချောက်ထဲ ထိုးကျ၍ ယာဉ်မောင်း သေဆုံး

စုလှိုင်
.
ကလောမြို့နယ်၊ ရေယားကျေးရွာအနီး၊ ပြည်ထောင်စုလမ်းမကြီးပေါ်တွင် စက်တင်ဘာလ ၁၄ ရက်၊ နံနက် အစောပိုင်းက မော်တော်ယာဉ် တစ်စီးသည် အရှိန်မထိန်းနိုင်ဘဲ လမ်းဘေး ချောက်အတွင်းသို့ ထိုးကျ၊ တိမ်းမှောက်ခဲ့သဖြင့် ယာဉ်မောင်း ဖြစ်သူ သေဆုံးခဲ့ကြောင်း သိရသည်။
.
သာစည်ဘက်မှ ကလောဘက်သို့ ကလောမြို့နယ်၊ အမှတ်()ရပ်ကွက်နေ အသက် ၃၈ နှစ် အရွယ်ရှိ ကိုကြည်စိုးဦး မောင်းနှင်လာသည့် မော်တော်ယာဉ်သည် ကလောမြို့နယ်၊ ရေယားကျေးရွာအနီး၊ ပြည်ထောင်စုလမ်းမကြီးမိုင်တိုင် အမှတ် (၆၈/၅)နှင့် (၆၈/ ၆) ကြားသို့ အရောက်တွင် အရှိန် မထိန်းနိုင်ဘဲ လမ်း၏ ဝဲဘက် အနက်ပေ ၁၀၀ ခန့်ရှိ ချောက်အတွင်းသို့ ထိုးကျ တိမ်းမှောက်ခဲ့ခြင်း ဖြစ်ကြောင်း သိရသည်။
.

ယာဉ် တိမ်းမှောက်မှုကြောင့် ယာဉ်မောင်း ဖြစ်သူ ကိုကြည်စိုးဦး၏ ဝဲဘက် လည်ပင်းကျိုး ဒဏ်ရာဝဲဘက် နားရွက်ပြတ်ရှ ဒဏ်ရာ ၊ ဝဲဘက် နားထင်ဖူးရောင် ဒဏ်ရာများဖြင့် အခင်းဖြစ်ပွားရာ နေရာတွင် သေဆုံးခဲ့ကြောင်း သိရသည်။
.
အဆိုပါ မော်တော်ယာဉ်အား မဆင်မခြင် မောင်းနှင်ပြီး အရှိန် မထိန်းနိုင်ဘဲ ချောက် အတွင်းသို့ ထိုးကျ တိမ်းမှောက်ခဲ့သဖြင့် မိမိကိုယ်ကို ဒဏ်ရာများ ရရှိ သေဆုံးစေသူ ယာဉ်မောင်းအား ကလောမြို့မရဲစခန်းတွင် ယာဉ် (ပ) ၂၈/ ၂၀၊ ရာဇသတ်ကြီးပုဒ်မ ၂၇၉/၃၀၄-က ဖြင့် အမှုဖွင့် ဆောင်ရွက်လျက် ရှိကြောင်း သိရသည်။

No comments:

Post a Comment

Journal Download

Photo of three cats

About