.
အဆိုပါ အခမ်းအနားသို့ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်း၊ စည်ပင်သာယာရေးဝန်ကြီး ဒေါက်တာစောညိုဝင်း၊ စီမံကိန်းနှင့်စီးပွားရေးဝန်ကြီး ဦးညွန့်လွင်၊ တိုင်းကျန်းမာရေးမှူး ဒေါက်တာ ရန်နိုင်မောင်၊ ကမ္ဘောဇဘဏ်(ပဲခူး) ဘဏ်ခွဲ(၁) တာဝန်ခံ ဒေါ်သွဲ့သွဲ့အေးနှင့် အခြားဘဏ်ခွဲ(၅)ခုမှ တာဝန်ခံများနှင့် ဝန်ထမ်းများ၊ မြို့မိမြို့ဖများ တက်ရောက်ကြသည်။
.
ကမ္ဘောဇဘဏ်(ပဲခူး) ဘဏ်ခွဲ(၁) တာဝန်ခံ ဒေါ်သွဲ့သွဲ့အေးနှင့် အခြားဘဏ်ခွဲတာဝန်ခံများက အလှူငွေနှင့် ကျန်းမာရေး အထောက်အကူပြု ပစ္စည်းများကို ပေးအပ် လှူဒါန်းရာ မြင်းခြံမြို့ရှိ positive လူနာများနှင့် ၎င်းတို့အား ကျန်းမာရေး စောင့်ရှောက်မှု ပေးနေကြသည့် ဝန်ထမ်းများအတွက် COVID-19 ရောဂါ ကာကွယ်ရေး အထောက်အကူပြု ပစ္စည်း ၇ မျိုးကို တိုင်းကျန်းမာရေးမှုး ဒေါက်တာ ရန်နိုင်မောင်က လည်းကောင်း၊ ပဲခူးမြို့ ပြည်သူ့ဆေးရုံကုတင်(၅၀၀)၊ အထွေထွေ အသုံးပြုနိုင်ရန်အတွက် ငွေကျပ် သိန်း ၁၀၀ ကို တိုင်းဒေသကြီးဝန်ကြီးချုပ်နှင့် အစိုးရအဖွဲ့ဝင် ဝန်ကြီးများက လည်းကောင်း အသီးသီး လက်ခံရယူပြီးနောက် ပဲခူးတိုင်းဒေသကြီး ဝန်ကြီးချုပ်က ကျေးဇူးတင်စကား ပြောကြားပြီး ဂုဏ်ပြု မှတ်တမ်းလွှာအား ပြန်လည်ပေးအပ်ခဲ့ကြောင်း သိရသည်။
.
ကမ္ဘောဇဘဏ်မှ ယနေ့လှူဒါန်းသည့် COVID-19 ကာကွယ်ရေး အထောက်အကူပြုပစ္စည်း ၇ မျိုးမှာ ဆေးရုံသုံး Mask ၁ သိန်း၊ ခေါင်းစွပ် ၂၀၀၀ ၊ မျက်နှာအကာ(Face Shield) ၅၀၀ ၊ လက်အိတ် ၅၀၀၀ ၊ Hand Gel ဘူးကြီး ၅၀၀ ၊ မျက်မှန် ၁၀၀ နှင့် PPE ဝတ်စုံ ၂၀၀ တို့ ဖြစ်ကြောင်း သိရသည်။
.
ကမ္ဘောဇဘဏ်သည် အခြားသော ပြည်နယ်နှင့်တိုင်းဒေသကြီး အသီးသီးရှိ မြို့များသို့လည်း COVID-19 ရောဂါကာကွယ်ရေး အထောက်အကူပြု ပစ္စည်းများကို နေရာအရောက် စနစ်တကျ ပေးပို့လှူဒါန်းသွားမည် ဖြစ်ကာ စက်တင်ဘာ ၇ ရက်တွင် ရှမ်းပြည်နယ်ပြည်သူလူထု စားနပ်ရိက္ခာကော်မတီမှ တဆင့် လှူဒါန်းထားရှိသည့် ငွေကျပ်သိန်း ၂၀၉၀ တန်ဖိုးရှိ ဆေးရုံသုံး Mask အခုရေ ၁၀ သိန်း၊ ခေါင်းစွပ် ခုရေ ၁ သိန်း၊ လက်အိတ် အခုရေ ၁ သိန်း၊ မျက်နှာအကာ အခုရေ ၅၀၀၀၀ ၊ Hand Gel ဘူးကြီး ၅၀၀၀ ၊ PPE ဝတ်စုံ ၁၀၀၀ တို့ကို ရခိုင်ပြည်နယ် အပါအဝင် နိုင်ငံအဝှမ်းသို့ စနစ်တကျ ဖြန့်ဝေ လှူဒါန်းရန် စီစဉ်ထားကြောင်းလည်း သိရသည်။
.
ကမ္ဘောဇဘဏ်သည် COVID-19 ရောဂါ မဖြစ်ပွားမီ ဖေဖော်ဝါရီလ ၂၆)ရက်မှ စတင်၍ COVID-19 ရောဂါ ကာကွယ်၊ ထိန်းချုပ်၊ ကုသရေးလုပ်ငန်းစဉ်များအတွက် တစ်နိုင်ငံလုံး အတိုင်းအတာဖြင့် ငွေကျပ် ၆၃၉၃၂ သိန်းကို လှူဒါန်းထားရှိပြီး ဆက်လက်၍လည်း နိုင်ငံတော်နှင့် ပြည်သူ့အတွက် လူမျိုး မရွေး၊ ဘာသာမရွေး၊ နေရာဒေသ မရွေး၊ လိုအပ်သည့်အချိန်၊ လိုအပ်သည့်နေရာများ၌ လိုအပ်သည်များကို အချိန်နှင့်တစ်ပြေးညီ စဉ်ဆက်မပြတ် ပေးပို့လှူဒါန်းရန် စီစဉ်ထားရှိကြောင်း သိရသည်။
.
