ဒုတိယအကြိမ် ရှမ်းလွှတ်တော် အကြိမ် (၂၀) မြောက် ပုံမှန်အစည်းအဝေး ပထမနေ့တွင် ရှမ်းပြည်နယ်၏ ဒေသန္တရ စီမံကိန်းဥပဒေ မူကြမ်းနှင့် ဘဏ္ဍာငွေအရအသုံးဆိုင်ရာဥပဒေမူကြမ်းတို့ကို တင်သွင်းမည် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, September 2, 2020

ဒုတိယအကြိမ် ရှမ်းလွှတ်တော် အကြိမ် (၂၀) မြောက် ပုံမှန်အစည်းအဝေး ပထမနေ့တွင် ရှမ်းပြည်နယ်၏ ဒေသန္တရ စီမံကိန်းဥပဒေ မူကြမ်းနှင့် ဘဏ္ဍာငွေအရအသုံးဆိုင်ရာဥပဒေမူကြမ်းတို့ကို တင်သွင်းမည်


ကမ္ဘောဇတိုင်း
.
ဒုတိယအကြိမ်ရှမ်းပြည်နယ်လွှတ်တော် အကြိမ် (၂၀) မြောက် ပုံမှန်အစည်းအဝေး ပထမနေ့ကို ယနေ့ စက်တင်ဘာလ ၂ ရက် နံနက်ပိုင်းက တောင်ကြီးမြို့၊ ရှမ်းပြည်နယ်လွှတ်တော် အဆောက်အအုံတွင် ကျင်းပလျက်ရှိရာ အစည်းအဝေး တွင် ၂၀၂၀-၂-၂၁ ဘဏ္ဍာရေးနှစ် ရှမ်းပြည်နယ်၏ ဒေသန္တရစီမံကိန်းဥပဒေ မူကမ်းနှင့် ဘဏ္ဍာငွေအရအသုံးဆိုင်ရာ ဥပဒေ မူကမ်းတို့ကို ရှမ်းပြည်နယ်အစိုးရမှ တင်သွင်းသွားမည်ဖြစ်ကြောင်း သိရ၉သည်။
.
.
ဒုတိယအကြိမ် ရှမ်းပြည်နယ်လွှတ်တော်သို့ တက်ရောက်ခွင့်ရှိသော ပြည်နယ်လွှတ်တော်ကိုယ်စားလှယ် ၁၃၉ ဦး ရှိသည့်အနက် ယနေ့ အကြိမ် (၂၀) မြောက်ပုံမှန်အစည်းအဝေးတွက် လွှတ်တော်ကိုယ်စားလှယ် ၁၁၉ ဦး တက်ရောက်ခဲ့ပြီး ခွင့်ပန်ကြားသူ ၂၀ ဦး ရှိကာ ရာခိုင်နှုန်းအားဖြင့် ၈၅ ဒသမ ၆၁ ရာခိုင်နှုန်း တက်ရောက်ဆွေးနွေး လျက်ရှိကြောင်း သိရသည်။
.
အစည်းအဝေးတွင် ရှမ်းပြည်နယ်လွှတ်တော်ဥက္ကဋ္ဌ ဦးစိုင်းလုံးဆိုင်မှ နှုတ်ခွတ်းဆက်စကား ပြောကြားခြင်း၊ ရှမ်းပြည်နယ်ဝန်ကြီးချုပ် ဒေါက်တာလင်းထွဋ်က လွှတ်တော်သို့ မိန့်ခွန်းပြောကြားခြင်း၊ ပြည်နယ်လွှတ်တော် ကိုယ်စားလှယ် ၈ ဦးမှ ကြယ်ပွင့်ပြမေးခွန်း ၁၂ ခုမေးမြန်းခြင်းနှင့် သက်ဆိုင်ရာ ပြည်နယ်အဆင့် အဖွဲ့အစည်းဝင် ပုဂ္ဂိုလ်များက ပြန်လည်ဖြေကြားခြင်း၊ ရှမ်းပြည်နယ်အဆင့် အဖွဲ့အစည်းဝင်ပုဂ္ဂိုလ်များဖြစ်သည့် ရှမ်းပြည်နယ် တရားလွှတ်တော် တရားသူကြီး ၂ ဦး၏ အမည်စာရင်းအား ရှမ်းပြည်နယ်ဝန်ကြီးချုပ်မှ အမည်စာရင်း တင်သွင်းခြင်း နှင့် လွှတ်တော်၏ သဘောထား ရယူခြင်း၊ ပြည်နယ်လွှတ်တော်ကိုယ်စားလှယ် ၂ ဦးမှ အဆို ၂ ခု တင်သွင်းခြင်း တို့ကိုလည်း ဆောင်ရွက်သွားမည်ဖြစ်ကြောင်း သိရသည်။
.
ဒုတိယအကြိမ် ရှမ်းပြည်နယ်လွှတ်တော် သက်တမ်းအတွင်း ပုံမှန်အစည်းအဝေး ၁၉ ကြိမ်၊ အရေးပေါ်အစည်းအဝေး ၄ ကြိမ်နှင့် အထူးအစည်းအဝေး ၂ ကြိမ်၊ စုစုပေါင်း လွှတ်တော်အစည်းအဝေး ၂၅ ကြိမ် ကျင်းပပြုလုပ်ခဲ့ပြီးဖြစ်ကာ ယခု ကျင်းပလျက်ရှိသည့် အစည်းအဝေးမှာ ၂၆ ကြိမ်မြောက် အစည်းအဝေးဖြစ်ကြောင်း သိရသည်။
.

No comments:

Post a Comment

Journal Download

Photo of three cats