ဆီဆိုင်မြို့နယ်မှ COVID-19 ပိုးတွေ့လူနာ ၂ ဦး ဆေးရုံဆင်းခွင့်ရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, September 29, 2020

ဆီဆိုင်မြို့နယ်မှ COVID-19 ပိုးတွေ့လူနာ ၂ ဦး ဆေးရုံဆင်းခွင့်ရ

ကိုစိုး (ကမ္ဘောဇတိုင်း)

.

တောင်ကြီးမြို့၊ စဝ်စံထွန်းဆေးရုံတွင် တက်ရောက်ဆေးကုသမှု ခံယူနေသော ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်၊ ဆိုက်ခေါင်ကျေးရွာမှ COVID-19 ပိုးတွေ့အတည်ပြုလူနာ ၂ ဦးရောဂါမှ ပြန်လည်သက်သာလာသဖြင့် ယနေ့ စက်တင်ဘာလ ၂၉ ရက်၊ နံနက်ပိုင်းတွင် ဆေးရုံမှ ဆင်းခွင့်ရပြီဖြစ်ကြောင်း သိရသည်။

.

.

“ဆီဆိုင်က သားအဖ ၂ ဦး ဆေးရုံဆင်းခွင့် ရပါပြီ။ ပြည်နယ် ပြည်သူ့ကျန်းမာဘက်က ပြောတာကတော့ သူတို့က ဆိုက်ခေါင်ဆေးရုံမှာ ၁ ပတ် ဆက်ထားမယ်လို့ ပြောပါတယ်” ဟု တောင်ကြီးမြို့၊ စဝ်စံထွန်းဆေးရုံမှ ဒေါက်တာ ဝေဝေမွန်က ကမ္ဘောဇတိုင်းသို့ ပြောသည်။

.

အဆိုပါလူနာ ၂ ဦးမှာ ဆီဆိုင်မြို့နယ်၊ ဆိုက်ခေါင်ကျေးရွာမှ လူနာအမှတ်(၃၄၁၃) ဖြစ်သည့် အသက် ၅၃ နှစ်အရွယ် အမျိုးသားနှင့် လူနာအမှတ်(၄၂၉၉) ဖြစ်သည့် အသက် ၁၃ နှစ်အရွယ် အမျိုးသားတို့ ဖြစ်ကြောင်း သိရသည်။

.

လက်ရှိ တောင်ကြီးမြို့၊ စဝ်စံထွန်းဆေးရုံကြီးတွင် COVID-19 ရောဂါ အတည်ပြုလူနာ ၃ ဦး ကျန်ရှိနေပြီး ၎င်းတို့မှာ တောင်ကြီးမြို့နယ်မှ အမျိုးသား တစ်ဦး၊ အမျိုးသမီး တစ်ဦးနှင့် ပင်လောင်းမြို့နယ်မှ အမျိုးသမီးတစ်ဦးတို့ ဖြစ်ကြောင်း သိရသည်။

.

No comments:

Post a Comment

Journal Download

Photo of three cats

About