တာချီလိတ်တွင် လုံခြုံရေးကုမ္ပဏီမှ ဝန်ထမ်း တစ်ဦး သေနတ်ပစ်ခံရသဖြင့် သေဆုံး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, September 1, 2020

တာချီလိတ်တွင် လုံခြုံရေးကုမ္ပဏီမှ ဝန်ထမ်း တစ်ဦး သေနတ်ပစ်ခံရသဖြင့် သေဆုံး

မင်းဇော်မင်း
.
တာချီလိတ်မြို့၊ ဆန်ဆိုင်း(က)ရပ်ကွက်၊ ပုံလို့လမ်း၌ သြဂုတ်လ ၃၁ ရက် ၊ ည ၇ နာရီ​ကျော်ခန့်က Were Wolf 99 Security Service ကုမ္ပဏီဝန်ထမ်း တစ်ဦးသည် လုံခြုံရေးတာဝန် ထမ်းဆောင်နေစဥ် အမည်မသိ သေနတ်သမားတစ်ဦး၏ ​သေနတ်ဖြင့် ပစ်ခတ်မှုကို ခံရပြီး သေဆုံးသွားကြောင်း သိရသည်။
.
တာချီလိတ်မြို့၊ ဆန်ဆိုင်း(က)ရပ်ကွက်၊ ပုံလို့လမ်း၊ အမှတ်(၂/၆) ရှိ နေအိမ်ခြံဝန်းတွင် Were Wolf 99 Security Service ကုမ္ပဏီမှ လုံခြံရေးဝန်ထမ်း ကိုသုတမိုး၊ ၁၉ နှစ်သည် လုံခြုံရေး တာဝန်ထမ်းဆောင်နေစဉ် အမည်မသိ လူတစ်ဦးက သေနတ်ဖြင့် ပစ်ခဲ့ခြင်း​ကြောင့် ကိုသုတမိုး၏ ၀ဲဘက် ရင်အုံမှ နောက်ကျောဘက်သို့ ဖောက်ထွက်ဒဏ်ရာ ရရှိကာ တာချီလိတ်နာရေးကူညီမှုအသင်းမှ တာချီလိတ်ဆေး ရုံသို့ ပို့ဆောင်ပေးခဲ့ပြီးနောက် လူနာမှာ ရရှိသည့် ဒဏ်ရာဖြင့် သေဆုံးခဲ့ခြင်း ဖြစ်​ကြောင်း သိရသည်။
.
အဆိုပါ သေဆုံးသူ ကိုသုတမိုးမှာ လုံခြုံရေးတာဝန်အား လွန်ခဲ့သည့် ၂ လခန့်က လစာငွေ တစ်လလျှင် ​ငွေကျပ် ၂ သိန်းဖြင့် လုပ်ကိုင်​နေခြင်း ဖြစ်ပြီး သေဆုံးမှုနှင့် ပတ်သက်၍ တာချီလိတ် မြို့မရဲစခန်းမှ (ပ) ၃၁၈/၂၀၂၀၊ ရာဇသတ်ကြီး ပုဒ်မ ၃၀၂ ဖြင့် အမှုဖွင့် စစ်ဆေးနေကြောင်း သိရသည်။
.

[ဓါတ်ပုံ - တာချီလိတ်နာ​ရေးကူညီမှုအသင်း]

No comments:

Post a Comment

Journal Download

Photo of three cats