ကမ္ဘောဇတိုင်း
.
ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာနမှ
လှုပ်လှုပ်ရှားရှားလူထုအားကစား Facebook Page တွင် “Physical Fitness
Dance” ခေါင်းစဉ်ဖြင့် Challenge ပြိုင်ပွဲကို
အောက်တိုဘာလ ၁၀ ရက်မှ ၁၅ ရက်အထိ ပြုလုပ်သွားမည်ဖြစ်ကြောင်း သိရသည်။
.
 |
| ဓါတ်ပုံ - လှုပ်လှုပ်ရှားရှား လူထုအားကစား |
COVID-19 ရောဂါ ကူးစက်ဖြစ်ပွားနေစဉ် ကာလအတွင်း Stay Home
နေရသော နိုင်ငံသားအားလုံး ကျန်းမာကြံ့ခိုင်မှု ရှိစေရေး၊ ခန္ဓာကိုယ်ခုခံအားစနစ်
ကောင်းမွန်စေရေးနှင့် ရောဂါကာကွယ်ထိန်းချုပ်နိုင်စေရေး၊ အညောင်းမိခြင်း၊ အညောင်းထိုင်ခြင်း၊
မဖြစ်စေရန် ကာကွယ်ပြီး ခန္ဓာကိုယ်တွင်းရှိ ကြွက်သား/အရိုးများ သန်စွမ်းစေရန်၊ နှလုံး/အဆုတ်
အားကောင်းစေရန်၊ သက်ကြီးရွယ်အို အရွယ်သို့ ရောက်ရှိချိန်၌ အရိုးပွရောဂါ ဖြစ်ပွားခြင်းမှ
ကာကွယ်နိုင်ရန်တို့အတွက် နေ့စဉ် အားကစားလှုပ်ရှားမှုများ ပြုလုပ်နိုင်ရန် ယင်းကဲ့သို့
၃ မိနစ်ခန့် Phyicsal Fitness Dance Challenge ပြိုင်ပွဲ ပြုလုပ်ရခြင်း
ဖြစ်ကြောင်း သိရသည်။
.
ပြိုင်ပွဲဝင်များအနေဖြင့် သတ်မှတ်ကကွက်အတွက် နည်းပြများမှ တစ်ဦးချင်းအလိုက်
Challenge
ပြုလုပ်ထားသည့် Video အတိုင်း ကကွက်၊ တေးသီချင်း
မပြောင်းလဲဘဲ ယှဉ်ပြိုင်ရမည်ဖြစ်ပြီး စိတ်ကြိုက်ကွက်အတွက် နည်းပြမှ Challenge
ပြုလုပ်ထားသည့် Video အတိုင်း ကကွက်များ မတူညီရန်၊
ဆန်းသစ်သော မိမိစိတ်ကြိုက် ကကွက်နှင့် သံစဉ်များဖြင့် ယှဉ်ပြိုင်ရမည်ဖြစ်ကာ ပြိုင်ပွဲဝင်
အမျိုးသား/အမျိုးသမီး အားလုံး သင့်လျော်သည့် အားကစားဝတ်စုံဖြင့် ယှဉ်ပြိုင်ရမည်ဖြစ်ကြောင်း
သိရသည်။
.
ထို့အပြင် ပြိုင်ပွဲစတင်ရန် Challenge ပြုလုပ်ချိန်၌ တိုင်းဒေသကြီးနှင့်
ပြည်နယ် အားကစားနှင့် ကာယပညာဦးစီးဌာန များသို့ “လှုပ်လှုပ်ရှားရှား အားကစား” Facebook
Page/Group တို့တွင် Tag တွဲ၍ စတင်ရမည်ဖြစ်ကာ ပါဝင်ယှဉ်ပြိုင်
လိုသူများအနေဖြင့် သက်ဆိုင်ရာ တိုင်းဒေသကြီးနှင့်ပြည်နယ်/ခရိုင်/မြို့နယ် အားကစားနှင့်
ကာယပညာဦးစီးဌာန များ၏ Facebook Page သို့လည်းကောင်း၊ ယင်းဌာနများမှ
တာဝန်ရှိပုဂ္ဂိုလ်များ၏ Facebook Account သို့ လည်းကောင်း Tag
တွဲ၍ ယှဉ်ပြိုင်ရမည်ဖြစ်ကြောင်း သိရသည်။
.
ပြိုင်ပွဲဝင်လိုသူများအတွက် ကြိုတင်လေ့လာနိုင်ရန် Physical Fitness
Dance အကနည်းပြများမှ ကြိုတင်ရိုက်ကူး ထားသည့် Group Physical
Fitness Dance Video အား စက်တင်ဘာလ ၂၈ ရက်နှင့် အောက်တိုဘာလ ၁ ရက်တို့တွင်
လှုပ်လှုပ်ရှားရှား လူထုအားကစား Facebook Group ၌ တိုင်းဒေသကြီးနှင့်
ပြည်နယ်များ၏ တရားဝင် Facebook Account များကို Tag တွဲ၍သော်လည်းကောင်း၊ လှုပ်လှုပ်ရှားရှား လူထုအားကစား Facebook Page
တွင် လည်းကောင်း ထုတ်လွှင့်ပြသပေးသွားမည်ဖြစ်ကြောင်း သိရသည်။
.
ကျန်းမာရေးနှင့် အားကစားဝန်ကြီးဌာန၊
အားကစားနှင့်ကာယပညာဦးစီးဌာနအနေဖြင့် မြန်မာ့အားကစား အဆင့်အတန်း တိုးတက်မြင့်မားစေရေး၊
တစ်မျိုးသားလုံး ကျန်းမာကြံ့ခိုင်မှုရှိစေရေးနှင့် ထူးချွန်ထက်မြက်သည့်
အားကစားသမားများ ပေါ်ထွက်လာစေရေးအတွက် ရှေးရှုကာ ရေရှည်စီမံကိန်းများရေးဆွဲ၍
လက်တွေ့ အကောင်အထည်ဖော် ဆောင်ရွက်လျက်ရှိပြီး တိုးတက်လာသောခေတ်နှင့်အညီ
တစ်နိုင်ငံလုံးအတိုင်းအတာအနေဖြင့် တိုင်းဒေသကြီး၊ ပြည်နယ်/ ခရိုင်
မြို့နယ်များအလိုက် လှုပ်ရှားဆောင်ရွက်လျက်ရှိသည့် လူထုအားကစားလှုပ်ရှားမှု
မှတ်တမ်းများကို တိုက်ဆိုင်စစ်ဆေး၍ အတည်ပြုရွေးချယ်ပြီး တစ်နှစ်တာအတွင်း အားကစား
လှုပ်ရှားမှု များဖြင့် စပ်လျဉ်း၍ နှစ်စဉ်နှစ်တိုင်း ဆုများချီးမြှင့်လျက်ရှိကြောင်း
သိရသည်။
.
