COVID-19 ရောဂါ ဓါတ်ခွဲအတည်ပြုလူနာ အသစ် ၄၅ ဦး ထပ်မံတွေ့ရှိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, September 5, 2020

COVID-19 ရောဂါ ဓါတ်ခွဲအတည်ပြုလူနာ အသစ် ၄၅ ဦး ထပ်မံတွေ့ရှိ


ကမ္ဘောဇတိုင်း
.
ကလောမြို့နယ်မှ တစ်ဦး အပါအဝင် COVID-19 ရောဂါ ဓါတ်ခွဲအတည်ပြုလူနာအသစ် ၄၅ ဦး ထပ်မံတွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ စက်တင်ဘာလ ၅ ရက်၊ နံနက် ၈ နာရီအချိန် ထုတ်ပြန်ချက်အရ သိရသည်။
.
.
အဆိုပါ လူနာအသစ်များမှာ ရန်ကုန်တိုင်းဒေသကြီးမှ ၃၈ ဦး၊ ရခိုင်ပြည်နယ်မှ ၅ ဦး၊ ပဲခူးတိုင်းဒေသကြီးမှ တစ်ဦးနှင့် ရှမ်းပြည်နယ်တောင်ပိုင်း၊ ကလောမြို့နယ်မှ တစ်ဦးတို့ဖြစ်ကြောင်း သိရသည်။
.
“အောင်ပန်း ကုတင် (၇၀၀) ကပါပဲ။ အမှတ် (၂) တပ်မတော်ဆေးရုံကြီး (ကုတင်-၁၀၀၀)၊ နေပြည်တော်ကို ပို့ထားတဲ့သူပါ။ သူတို့ကိုကျတော့ သူတို့ဖာသာသူတို့ တာဝန်ယူပြီး လုပ်တာဆိုတော့ ကျွန်မတို့က အသေးစိတ်တော့ မသိပါဘူး” ဟု ရှမ်းပြည်နယ် ပြည်သူ့ကျန်းမာရေးဦးစီးဌာနမှူး ဒေါက်တာ သူဇာချစ်တင်က ကမ္ဘောဇတိုင်းသို့ ပြောသည်။
.
စက်တင်ဘာလ ၄ ရက်အတွက် COVID-19 ရောဂါ ဓါတ်ခွဲစစ်ဆေးမှုများ အနေဖြင့် အမျိုးသားကျန်းမာရေးဓာတ်ခွဲမှု ဆိုင်ရာဌာန (ရန်ကုန်) (NHL) မှ ဒုတိယအသုတ် ဓာတ်ခွဲ နမူနာ ၇၇၅ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မော်လမြိုင်) မှ ဒုတိယအသုတ် ဓာတ်ခွဲနမူနာ ၁၆၃ ခု၊ ပြည်သူ့ဆေးရုံကြီး၊ စစ်တွေမြို့မှ ဓာတ်ခွဲနမူနာ ၁၁၆ ခု၊ ပြည်သူ့ဆေးရုံကြီး၊ တောင်ငူမြို့မှ ဓာတ်ခွဲနမူနာ ၂ ခု၊ အမှတ်(၁) တပ်မတော်ဆေးရုံကြီး (ကုတင်-၁၀၀၀)မှ ဓာတ်ခွဲနမူနာ ၁၅၂ ခုနှင့် အမှတ်(၂) တပ်မတော်ဆေးရုံကြီး (ကုတင်-၁၀၀၀)၊ နေပြည်တော်မှ ဓာတ်ခွဲနမူနာ ၃၂၅ ခုတို့အား စစ်ဆေးခဲ့ရာ အတည်ပြုလူနာအသစ် ၄၅ ဦး ထပ်မံတွေ့ရှိခြင်းဖြစ်ကြောင်း သိရသည်။
.
သို့ဖြစ်၍ ယနေ့ စက်တင်ဘာလ ၅ ရက်၊ နံနက်ပိုင်းအထိ မြန်မာနိုင်ငံတွင် COVID-19 ရောဂါ ဓါတ်ခွဲအတည်ပြုလူနာ ၁၂၁၆ ဦး ရှိလာနေပြီဖြစ်ပြီး ယင်းတို့အနက် ၇ ဦး သေဆုံး၍ ၃၅၉ ဦးမှာ ရောဂါမှ ပြန်လည်သက်သာလာပြီဖြစ်ကြောင်း သိရသည်။
.

No comments:

Post a Comment

Journal Download

Photo of three cats

About