COVID-19 ရောဂါ အတည်ပြုလူနာအသစ် ၅ ဦး ထပ်တွေ့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, September 1, 2020

COVID-19 ရောဂါ အတည်ပြုလူနာအသစ် ၅ ဦး ထပ်တွေ့


ကမ္ဘောဇတိုင်း
.
COVID-19 ရောဂါ ဓါတ်ခွဲအတည်ပြုလူနာ အသစ် ၅ ဦး ထပ်မံတွေ့ရှိကြောင်း ကျန်းမာရေးနှင့် အားကစားဝန်ကြီးဌာန က ယနေ့ စက်တင်ဘာလ ၁ ရက်၊ နံနက် ၈ နာရီအချိန်တွင် ထုတ်ပြန်ကြေညာခဲ့သည်ဟု သိရသည်။
.
.
ဩဂုတ်လ ၃၁ ရက် ညပိုင်း ဓါတ်ခွဲစစ်ဆေးမှုများအနေဖြင့် အမျိုးသားကျန်းမာရေးဓာတ်ခွဲမှုဆိုင်ရာဌာန(ရန်ကုန်) (NHL)မှ ဒုတိယအသုတ် ဓာတ်ခွဲ နမူနာ ၃၅၆ ခု၊ နေပြည်တော်၊ အမှတ် (၂) တပ်မတော်ဆေးရုံကြီး ခုတင် (၁၀၀၀) မှ ဓာတ်ခွဲနမူနာ ၅၅ ခုတို့အား ထပ်မံ စစ်ဆေးပြီးစီးခဲ့ရာ လူနာအသစ် ၅ ဦး ထပ်မံတွေ့ရှိခြင်းဖြစ်ကြောင်း သိရသည်။
.
အဆိုပါ ဓါတ်ခွဲအတည်ပြုလူနာအသစ် ၅ ဦးနှင့် ယမန်နေ့ ဩဂုတ်လ ၃၁ ရက်၊ ည ၈ နာရီအချိန် ထုတ်ပြန်ချက်ပါ လူနာ အသစ် ၉၅ ဦး၊ စုစုပေါင်း ၁၀၀ ဦးတို့နှင့် ပတ်သက်သည့် သတင်းအချက်အလက်များကို ဆက်လက် ထုတ်ပြန်ပေး သွားမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာန၏ ထုတ်ပြန်ချက်တွင် ဖော်ပြထားသည်။
.
သို့ဖြစ်၍ ယနေ့ စက်တင်ဘာလ ၁ ရက်အထိ မြန်မာနိုင်ငံတွင် COVID-19 ရောဂါ ဓါတ်ခွဲအတည်ပြုလူနာ ၈၈၇ ဦး ရှိလာပြီဖြစ်ပြီး ယင်းတို့အနက် ၆ ဦး သေဆုံး၍ ၃၅၄ ဦးမှာ ရောဂါမှ ပြန်လည်သက်သာလာပြီဖြစ်ကြောင်း သိရသည်။
.

No comments:

Post a Comment

Journal Download

Photo of three cats

About