COVID-19 အတည်ပြုလူနာ အသစ် ၁၆၈ ဦး ထပ်မံတွေ့ရှိ၊ PHL(​တောင်ကြီး)မှ ဓါတ်ခွဲနမူနာများတွင် ပိုး မ​တွေ့

COVID-19 ပိုး​​တွေ့ အတည်ပြုလူနာ အသစ် ၁၆၈ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (စက်တင်ဘာလ ၁၈ ရက်)၊ ည ၈ နာရီ ထုတ်ပြန်ချက်အရ သိရသည်။

.

ထို့အတူ ပြည်သူ့ကျန်းမာ​ရေးဓါတ်ခွဲမှုဆိုင်ရာဌာန (​တောင်ကြီး) မှ ယ​နေ့ စစ်​ဆေးခဲ့သည့် ဓါတ်ခွဲနမူနာ ၃၁၆ ခုတွင် ပိုး မ​တွေ့​ကြောင်း PHL(​တောင်ကြီး)မှ ထုတ်ပြန်ထားသည်။

အဆိုပါ အတည်ပြု လူနာများ၏ အ​သေးစိတ် အချက်အလက်များကို ထုတ်ပြန်ခြင်း မရှိ​သေးဘဲ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်)၊ ဆေးသု​တေသနဦးစီးဌာန၊ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာနများ၊ ပြည်သူ့​ဆေးရုံများတွင် ဓါတ်ခွဲ စစ်ဆေး ပြီးစီးခဲ့သော ဓာတ်ခွဲနမူနာများအနက် ၁၆၈ ဦးတွင် COVID-19 ပိုး တွေ့ရှိခြင်း ဖြစ်​ကြောင်း သိရသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (စက်တင်ဘာလ ၁၈ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၄၄၆၇ ဦး ရှိကာ၊ ယင်းအနက် ၇၀ ဦး သေဆုံး၍ ၁၁၃၀ ဦးမှာ ပြန်လည် သက်သာလာပြီ ဖြစ်​ကြောင်း သိရသည်။