တောင်ကြီးမြို့နယ်၊ တောင်လေးလုံးကျေးရွာတွင် ဆိုင်ကယ် ၂ စီး မျက်နှာချင်းဆိုင်တိုက်မိပြီး ၃ ဦး ဒဏ်ရာရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, September 27, 2020

တောင်ကြီးမြို့နယ်၊ တောင်လေးလုံးကျေးရွာတွင် ဆိုင်ကယ် ၂ စီး မျက်နှာချင်းဆိုင်တိုက်မိပြီး ၃ ဦး ဒဏ်ရာရ

စုလှိုင်

.

တောင်ကြီးမြို့နယ်၊ ရွှေညောင်မြို့၊ ‌တောင်လေးလုံးကျေးရွာ၊ ပြည်ထောင်စုလမ်းမကြီးပေါ်တွင် စက်တင်ဘာလ ၂၆ ရက်၊ ညနေပိုင်းက မော်တော်ဆိုင်ကယ် ၂ စီး မျက်နှာချင်းဆိုင် တိုက်မိရာမှ ၃ ဦး ထိခိုက်ဒဏ်ရာရရှိခဲ့ကြောင်း သိရသည်။

.



.

ရွှေညောင်မြို့၊ တောင်လေးလုံးကျေးရွာနေ ဦးစိန်ဝင်းသည် စက်တင်ဘာလ ၂၆ ရက်၊ ညနေ ၆ နာရီခွဲအချိန်ခန့်က ပြည်ထောင်စုလမ်းမကြီးအတိုင်း အနောက်မှ အရှေ့သို့ မောင်းနှင်လာရာမှ မိုင်တိုင်အမှတ် (၁၀၀/၄) နှင့် (၁၀၀/၅) အကြား “ကျွဲအို” ကုန်စုံဆိုင်ရှေ့ အရောက်တွင် လမ်း၏ဝဲဘက်သို့ ဖြတ်ကွေ့စဉ် အရှိန်မထိန်းနိုင်ဘဲ မျက်နှာချင်းဆိုင်မှ ရွှေညောင်မြို့၊ သနပ်ခါးကျေးရွာနေ ဦးရွှေမြင့် မောင်းနှင်ပြီး နောက်တွင် အသက် ၉ နှစ်အရွယ် မောင်အောင်ရဲလင်း တို့ လိုက်ပါစီးနင်းလာသည့် မော်တော်ဆိုင်ကယ်အား ဝင်ရောက်တိုက်မိခဲ့‌ခြင်းဖြစ်ကြောင်း သိရသည်။

.

ယာဉ်တိုက်မှုကြောင့် ဦးစိန်ဝင်းတွင် ဝဲမျက်ခုံးပေါ်၊ ခြေမျက်စိပေါက်ပြဲဒဏ်ရာ (မစိုးရိမ်ရ) ရရှိခဲ့ပြီး ဦးရွှေမြင့်တွင် ယားနားသွေးထွက်၊ ဝဲလက်ကောက်ဝတ် ဖူးရောင်၊ ဝဲဒူး ပွန်းပဲ့ဒဏ်ရာ (စိုးရိမ်ရ)များ နှင့် မောင်အောင်ရဲလင်းတွင် ဝဲလက်မောင်းရင်း ပွန်း၊ ဝဲခြေသလုံးပေါက်ပြဲ (မစိုးရိမ်ရ)ဒဏ်ရာများ ရှိခဲ့ကြောင်း သိရသည်။

.

အဆိုပါ ယာဉ်တိုက်မှုမှ ဆိုင်ကယ်အား မဆင်မခြင်မောင်းနှင်သူ ဦးစိန်ဝင်းအား ရွှေညောင်နယ်မြေရဲစခန်းမှ ယာဉ် (ပ) ၂၉/၂၀၂၀ ၊ ရာဇာသတ်ကြီးဥပဒေပုဒ်မ ၂၇၉/၃၃၇/၃၃၈ တို့ဖြင့် အမှုဖွင့် စစ်ဆေးဆောင်ရွက်လျက် ရှိကြောင်း သိရသည်။

.

No comments:

Post a Comment

Journal Download

Photo of three cats

About