စိုင်းမျိုးသန့် (မောက်မယ်)
.
လင်းခေးခရိုင်၊ မောက်မယ်မြို့နယ်ဒေသထွက် ရှောက်ချိုသီးများ လှိုင်လှိုင်ထွက်ပေါ်ချိန်၌
ဈေးကောင်းရလျက် ရှိကြောင်း သိရသည်။
.
မောက်မယ်ရှောက်ချိုသီးများကို တောင်ကြီးဈေးကွက်တွင် အလုံးကြီး
တစ်လုံးလျှင် ၆၀၀ ကျပ်၊ အလုံးလတ် ၅၅၀ ကျပ်နှင့် အလုံးငယ်တစ်လုံးလျှင် ၅၀၀ ကျပ်နှုန်းဖြင့်
ရောင်းချကြခြင်းဖြစ်ပြီး ယခင်နှစ် ရှောက်ချိုသီးရာသီက တစ်လုံးလျှင် ၃၀၀ ကျပ်မှ ၅၀၀
ကျပ်အထိသာ ရရှိခဲ့ကြောင်း သိရသည်။
.
ရှမ်းပြည်နယ်တောင်ပိုင်း၊ လင်းခေးခရိုင်အတွင်းရှိ မောက်မယ်မြို့နယ်သည်
နာမည်ကျော်မောက်မယ် သနပ်ခါးနှင့် ရှောက်ချိုသီး အများဆုံး ထွက်ရှိရာ
မြို့နယ်တစ်ခုဖြစ်ပြီး မောက်မယ်မြို့နယ်အတွင်း ရှောက်ချိုသီးများကို နမ့်လွတ် ကျေးရွာအုပ်စု၊
ဖာဟင်ကျေးရွာ၊ ကွန်ခံကျေးရွာ၊ ဝမ်နား ကျေးရွာနှင့် ကဒူးလေးကျေးရွာများ၌ အများအပြား
စိုက်ပျိုးကြလေ့ရှိကြောင်း သိရသည်။
.
အဆိုပါ ရှောက်ချိုသီးခြံများတွင် နှစ်စဉ် ရှောက်ချိုသီးပေါ်ချိန်၌
ကုန်သည်များမှ ခြံလိုက အလုံးပြတ် ဝယ်ယူရောင်းချ ကြလေ့ရှိကြောင်း သိရသည်။
.
