ကိုကိုနိုင်
.
တာချီလိတ်ခရိုင်၊ နယ်စပ်ဒေသ မိုင်းယုမြို့တွင် စက်တင်ဘာလ ၂၁
ရက်၊ နေ့လယ်ပိုင်းက စိတ်ကြွရူးသွပ်ဆေးပြား ၂၈၀၀ ပြားအား လက်ဝယ်ထားရှိသူနှင့်အတူ ဖမ်းဆီးရမိခဲ့ကြောင်း
သိရသည်။
.
မူးယစ်တပ်စု (၃၀) (တာချီလိတ်)မှ တပ်ဖွဲ့ဝင်များ၊ မိုင်းယုနယ်မြေရဲစခန်းမှ
တပ်ဖွဲ့ဝင်များ ပါဝင်သော ပူပေါင်းအဖွဲ့ သည် စက်တင်ဘာလ ၂၁ ရက်၊ နေ့လယ် ၁ နာရီခန့်က မူးယစ်ဆေးဝါးသတင်းအရ
မိုင်းယုမြို့ ဒွန်းနွဲ့အုပ်စု၊
ဒွန်းနွဲ့ကျေးရွာနှင့် ဝမ်နားမြတ်ကျေးရွာအကြား ကားလမ်းမဘေးနေ ဦးသောင်းလှ (ခ)
မောင်လှ ၏ နေအိမ်အား သက်သေများနှင့်အတူ ဝင်ရောက်ရှာဖွေရာ
စိတ်ကြွရူးသွပ်ဆေးပြား ၂၈၀၀ ပြား၊ ကာလတန်ဖိုး ငွေကျပ် ၂၈ သိန်း၊ မြန်မာကျပ်ငွေ ၂ သိန်းတို့အား
ရှာဖွေသိမ်းဆည်းရမိခဲ့ခြင်းဖြစ်ကြောင်း သိရသည်။
.
အဆိုပါ မူးယစ်ဆေးဝါးနှင့်အတူ ဖမ်းဆီးရမိသူ ဦးသောင်းလှ(ခ)
မောင်လှအား မိုင်းယုနယ်မြေခံရဲစခန်းမှ မယ(ပ) ၂/၂၀၂၀၊ မူး/စိတ်၊ ပုဒ်မ
၁၉(က)/၂၀(က)ဖြင့် အရေးယူဆောင်ရွက်လျက်ရှိကြောင်း သိရသည်။
.
