မင်းဇော်မင်း
.
တာချီလိတ်မြို့၊ ဂေါက်ကွင်းအနီး၌
မော်တော်ယာဉ်
၂ စီးနှင့်အတူ မူးယစ်ဆေးဝါးများ သယ်ဆောင်လာသူ ၂ ဦးကို စက်တင်ဘာလ
၈ ရက်၊ နေ့လယ်ပိုင်းတွင် ဖမ်းဆီးရမိခဲ့ကြောင်း သိရသည်။
.
ရှမ်းရိုးမ - ၃ အထူးစစ်ဆင်ရေးအရ
ပူးပေါင်းအဖွဲ့သည် သတင်းအရ တာချီလိတ်မြို့၊ ဆန်ဆိုင်း(ခ) ရပ်ကွက်၊
ဝမ်မိုင်လမ်းဟောင်း၊ ဂေါက်ကွင်းအနီးတွင် စောင့်ဆိုင်းနေစဉ် ရှေ့ပြေးအဖြစ်
မိုင်းတုံမြို့နယ်၊ နားကောင်းမူးကျေးရွာနေ ကိုဆိုက်ကား
မောင်းနှင်သော မော်တော်ယာဉ်နှင့် ကပ်လျက် ပါလာသည့် ကိုအိုက်ကား
မောင်းနှင်သော မော်တော်ယာဉ်များကို စစ်ဆေးရာ ကိုအိုက်ကား၏
ယာဉ်အတွင်း၌ ကျပ် သိန်း ၃၀၀ ခန့်တန်ဖိုးရှိ
အဖြူရောင်ပုံဆောင်ခဲ
၃ ကီလိုခန့်ကို တွေ့ရှိ၍ ဖမ်းဆီးရမိခဲ့ခြင်း ဖြစ်ကြောင်း
သိရသည်။
.
အဆိုပါ မူးယစ်ဆေးဝါးများကို မော်တော်ယာဉ်များဖြင့် သယ်ဆောင်လာသူ
မိုင်းတုံမြို့နယ်၊ နားကောင်းမူးကျေးရွာနေ ၂ ဦးကို
တာချီလိတ်မြို့မရဲစခန်းမှ
မယ(ပ) ၁၂၀/၂၀၂၀၊ မူး/စိတ်ပုဒ်မ ၁၉(က)/၂၁ အရ အမှုဖွင့် ဖမ်းဆီးကာ
စစ်ဆေးဆောင်ရွက်နေကြောင်း သိရသည်။
