ပင်လုံတွင် ကျပ်သိန်း ၆၈၀၀ ​ကျော် တန်ဖိုးရှိ ဘိန်းဖြူများ ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, September 5, 2020

ပင်လုံတွင် ကျပ်သိန်း ၆၈၀၀ ​ကျော် တန်ဖိုးရှိ ဘိန်းဖြူများ ဖမ်းမိ

လွိုင်လင်မြို့နယ်၊ ပင်လုံမြို့၌ ငွေကျပ်သိန်း ၆၈၀၀ ကျော် တန်ဖိုးရှိ ဘိန်းဖြူများကို မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့က စက်တင်ဘာလ ၃ ရက်၊ ​နေ့လယ်ပိုင်းတွင် ဖမ်းဆီး ရမိခဲ့ကြောင်း သိရသည်။
.

မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များသည် သက်သေများနှင့်အတူ လွိုင်လင်မြို့နယ်၊ ပင်လုံမြို့၊ ပင်လုံ-လဲချား သွားကားလမ်းတွင် တားဆီးနှိမ်နင်းရေး လုပ်ငန်းများဆောင်ရွက်နေစဉ် လဲချားမြို့ဘက်မှ ပင်လုံမြို့ဘက်သို့ လားရှိုးမြို့၊ အမှတ်(၁၂)ရပ်ကွက်နေ ကျော်ကျော် (ခ)အားတုံး မောင်းနှင်ပြီး လားရှိုးမြို့၊ အမှတ်(၇)ရပ်ကွက်နေ ဝမ်လောင်ဝူ(ခ)ဝူတီး စီးနင်း လိုက်ပါလာသည့် မော်တော်ယာဉ်အား ရပ်တန့် စစ်ဆေးရှာဖွေရာ ယာဉ်ပေါ်တွင်သိုဝှက်သယ်ဆောင်လာသော ဘိန်းဖြူဘလောက်တုံး အလေးချိန် ၄၅.၇၅၈ ကီလို (ဒေသကာလပေါက်စျေးတန်ဖိုးငွေကျပ် ၆၈၆၃.၇ သိန်း)အား တွေ့ရှိ၍ သိမ်းဆည်းရမိခခြင်း ဖြစ်​ကြောင်း သိရသည်။
.
အဆိုပါ ဘိန်းဖြူများနှင့်အတူ ဖမ်းဆီးရမိသူများအား ပင်လုံနယ်မြေရဲစခန်းတွင် မူးယစ်ဆေးဝါးနှင့် စိတ်ကို ပြောင်းလဲစေသောဆေးဝါးများဆိုင်ရာ ဥပဒေဖြင့် အမှုဖွင့် အရေးယူပြီး ကွင်းဆက်များအား ဖော်ထုတ် စစ်ဆေးလျက် ရှိကြောင်း သိရသည်။

No comments:

Post a Comment

Journal Download

Photo of three cats

About