အေးသာယာတွင် ကပရပိုင် မော်တော်ယာဉ်နှင့် တိုက်မိသည့် ဆိုင်ကယ်သမား သေဆုံး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, September 8, 2020

အေးသာယာတွင် ကပရပိုင် မော်တော်ယာဉ်နှင့် တိုက်မိသည့် ဆိုင်ကယ်သမား သေဆုံး


စုလှိုင်
.
တောင်ကြီးမြို့နယ်၊ အေးသာယာမြို့တွင် ယနေ့ စက်တင်ဘာလ ၈ ရက်၊ ညနေပိုင်းက ကုန်းလမ်းပို့ဆောင်ရေး  (ကပရ) ပိုင် မော်တော်ယာဉ်နှင့် တိုက်မိသည့် မော်တော်ဆိုင်ကယ်စီးနင်းသူ သေဆုံးမှု ဖြစ်ပွားခဲ့ကြောင်း သိရသည်။
.
အေးသာယာမြို့၊ ရပ်ကွက် (၂) နေ အောင်နိုင်ဦး (၃၃ နှစ်) သည် စက်တင်ဘာလ ၈ ရက်၊ ညနေ ၃ နာရီ ၄၅ မိနစ် ခန့်က အေးသာယာမြို့၊ ရပ်ကွက် (၅)၊ နဒီဧရာ ကြက်စာဆိုင်လမ်းသွယ်မှ ပြည်‌ထောင်စုလမ်းမကြီးပေါ်သို့ ချိုးကွေ့စဉ် အရှိန်မထိန်းနိုင်ဘဲ ဆိုင်ကယ်ပေါ်မှ လွင့်စင်ပြုတ်ကျပြီး ရွှေညောင်မြို့၊ အောင်သပြေ စဉ့်ဟယ်ရပ်ကွက်နေ ယာဉ်မောင်း ဦးအောင်ဝင်း မောင်းနှင်လာသည့် ကပရ ဌာနပိုင် မော်တော်ယာဉ်နှင့် ဝင်ရောက်တိုက်မိခဲ့ခြင်း ဖြစ်ကြောင်း သိရသည်။
.

.
အဆိုပါ ယာဉ်တိုက်မှုကြောင့် ဆိုင်ကယ်မောင်းနှင်သူ အောင်နိုင်ဦးတွင် ရရှိဒဏ်ရာများဖြင့် သေဆုံးသွားခဲ့ကြောင်း သိရသည်။
.
ယာဉ်တိုက်မှုနှင့် ပတ်သက်၍ ယာဥ်မဆင်မခြင် မောင်းနှင်သူ ဆိုင်ကယ်ယာဥ်မောင်း အောင်နိုင်ဦးအား အေးသာယာနယ်မြေရဲစခန်း မှ ယာဥ် (ပ) ၂၆ /၂၀၂၀ ရာဇသတ်ကြီးပုဒ်မ -၃၀၄ -က အရ အမှုဖွင့် အရေးယူဆောင်ရွက်လျက် ရှိကြောင်း သိရသည်။

No comments:

Post a Comment

Journal Download

Photo of three cats

About