စုလှိုင်
.
တောင်ကြီးမြို့နယ်၊ တောင်ကြီး-အေးသာယာ အတက်/အဆင်းလမ်းတွင် ယနေ့ စက်တင်ဘာလ ၄ ရက်၊ ညပိုင်းက ၁၂ ဘီး ကုန်တင် မော်တော်ယာဉ်တစ်စီး ချောက်အတွင်း ထိုးကျမှု ဖြစ်ပွားခဲ့ကြောင်း
သိရသည်။
.
.
“လူကတော့ ခြေထောက်ထိတယ်။ လောလောဆယ် ဆေးရုံကို ခေါ်သွားပြီ။ တစ်ယောက်ပဲ
ဖြစ်တာပါ။ ကားက ဆယ်ဖို့ ကြာဦးမယ်။ ၁၅ ပေလောက် ကားက ဘေးတိုက်ကျတာဆိုတော့ ”ဟု အမှတ်
(၁၈) ယာဉ်ထိန်းရဲ ဒုတပ်ဖွဲ့ခွဲမှူး ရဲမှူး ထွန်းနိုင်အောင်က ကမ္ဘောဇတိုင်းသို့ ပြောသည်။
အဆိုပါ ၁၂ ဘီးယာဉ် ထိုးကျတိမ်းမှောက်မှုနှင့် ပတ်သက်၍ အသေးစိတ်အချက်အလက်များကို
မသိရှိရသေးချေ။
.
အလားတူ ယနေ့ စက်တင်ဘာလ ၄ ရက်၊ ညနေပိုင်းကလည်း ယင်း တောင်ကြီး-အေးသာယာ
အဆင်းလမ်းတွင်ပင် တပ်မတော် မော်တော်ယာဉ်တစ်စီး ချောက်အတွင်း ထိုးကျမှုကြောင့်အမျိုးသမီးတစ်ဦး
သေဆုံးမှု ဖြစ်ပွားခဲ့ကြောင်း သိရသည်။
.
