အာဆီယံနိုင်ငံများတွင် COVID-19 ကြောင့် သေဆုံးသူအရေအတွက် မြန်မာက တတိယ အများဆုံးဖြစ်လာ

စိုင်းသိခ်သူ

.

အရှေ့တောင်အာရှ (အာဆီယံ)နိုင်ငံများတွင် COVID-19 ရောဂါ ကူးစက်ခံရပြီး သေဆုံးသူများ အရေအတွက် စာရင်း၌ မြန်မာနိုင်ငံက တတိယအများဆုံး ဖြစ်လာနေပြီဖြစ်သည်ဟု သိရသည်။

.

.

ယနေ့ စက်တင်ဘာလ ၂၅ ရက်အထိ နောက်ဆုံးရ သတင်းများအရ အာဆီယံနိုင်ငံများအနက် COVID-19 ရောဂါ ဖြစ်ပွားသူ အင်ဒိုနီးရှားနိုင်ငံက ၂၆၂၀၂၂ ဦး၊ သေဆုံးသူ ၁၀၁၀၅ ဦး၊ ဖိလစ်ပိုင်နိုင်ငံက ဖြစ်ပွားသူ ၂၉၆၇၅၅ ဦး၊ သေဆုံးသူ ၅၁၂၇ ဦး၊ မြန်မာနိုင်ငံက ရောဂါဖြစ်ပွားသူ ၈၅၁၅ ဦး၊ သေဆုံးသူ ၁၅၅ ဦး ရှိလာနေပြီဖြစ်ပြီး ကမ္ဘောဒီးယား၊ လာအိုနှင့် အရှေ့တီမောနိုင်ငံများတွင် ယင်းရောဂါကြောင့် သေဆုံးသူ မရှိကြောင်း သိရသည်။

.

ထို့အတူ သေဆုံးမှု ရာခိုင်နှုန်းအားဖြင့် အင်ဒိုနီးရှားနိုင်ငံက ၃ ဒသမ ၈၆ ရာခိုင်နှုန်း၊ ဗီယက်နမ်နိုင်ငံက ၃ ဒသမ ၂၇ ရာခိုင်နှုန်း၊ ဘရူနိုင်းနိုင်ငံက ၂ ဒသမ ၀၅ ရာခိုင်နှုန်း၊ မြန်မာနိုင်ငံက ၁ ဒသမ ၈၂ ရာခိုင်နှုန်း ရှိကြောင်းလည်း သိရသည်။

.

ကျန်းမာရေးနှင့် အားကစားဝန်ကြီးဌာန၏ ယနေ့ စက်တင်ဘာလ ၂၅ ရက်၊ နံနက် ၈ နာရီအချိန် ထုတ်ပြန်ချက်အရ မြန်မာနိုင်ငံတွင် COVID-19 ရောဂါ ဓါတ်ခွဲအတည်ပြုလူနာ ၈၅၁၅ ဦး ရှိလာနေပြီဖြစ်ပြီး ၎င်းတို့အနက် ၁၅၅ ဦး သေဆုံး၍ ၂၃၈၁ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။

.

Sources; World Meter, MoHS

.