ခွန်သန်းအောင်
.
ကလောမြို့နယ်၊ အောင်ပန်းမြို့၌ ယနေ့ (စက်တင်ဘာလ
၁၆ ရက်)တွင် COVID-19 ကာကွယ်ရေးပစ္စည်းများအား
ဖြန့်ဝေ ပေးအပ်ခြင်းများ ပြုလုပ်ခဲ့ကြောင်း သိရသည်။
.
“ ဌာနဆိုင်ရာတွေရယ်၊ နာရေးကူညီမှုအသင်းက
အဖွဲ့ဝင်တွေရယ် ပေါင်းပြီးတော့ Mask ၊ Face Shield နဲ့ လက်သန့် ဆေးရည်တွေကို ဝေငှပေးခဲ့တာပါ။”ဟု
အဆိုပါ ဖြန့်ဝေမှုတွင် ပါဝင်ခဲ့သူ တစ်ဦးက ကမ္ဘောဇတိုင်းသို့ ပြောသည်။
.
အောင်ပန်းတိုက်နယ် ပြည်သူ့ဆေးရုံမှ
ဒေါက်တာ သက်ဝေဦး၊ မြို့ဖွံ့ဖြိုးတိုးတက်ရေးအဖွဲ့နှင့် နာရေးကူညီမှုအသင်းမှ တာဝန်ရှိသူများက
ပရဟိတအဖွဲ့များ၊ အလှူရှင်များက လှူဒါန်းထားသည့် COVID-19 ကာကွယ်ရေးပစ္စည်းများကို ဆေးရုံတက်ရောက်နေသည့်
လူနာများ၊ အောင်ပန်းမြို့ပေါ် လမ်းဆုံများနှင့် ဈေး ပတ်ဝန်းကျင်နေရာများတွင် ဖြန့်ဝေ
ပေးအပ်ခဲ့ခြင်း ဖြစ်ကြောင်း သိရသည်။
