တောင်ကြီးမြို့၊ ပန်းတင်လမ်းမကြီးအား အဆင့်မြှင့်တင် ပြုပြင်

စုလှိုင်

.

ရှမ်းပြည်နယ်မြို့တော် တောင် ကြီးမြို့၊ ဘုရားဖြူရပ်ကွက်ရှိ ဆိုးရွား စွာ ပျက်စီးနေသည့် ပန်းတင် လမ်းမကြီး အရှည် ၁ မိုင် ၁ ဖာလုံအား ၁၂ ပေ အကျယ်မှ ၁၈ ပေအကျယ်ကတ္တရာ လမ်းအဖြစ် အဆင့်မြှင့်တင်ပြုပြင် မှု လုပ်ငန်းများ ဆောင်ရွက်လျက် ရှိ ကြောင်း သိရသည်။

.

.

“ပြည်သူလူထုက တောင်းဆို တာပေါ့။ လွှတ်တော်မေးခွန်းလည်း မေးထားတာရှိတယ်။ အဆိုတင်ထား တာ ရှိတယ်။ စိစစ်တင်ပြရန် ဆိုပြီး တော့ ၃ စောင်လောက် ရှိတယ်။ ရ တဲ့ ရန်ပုံငွေပေါ်မှာ တင်ရတာပေါ့။ လမ်းကရှိပြီးသား ဆိုတော့ ပြင်ထိန်း အနေနဲ့ တင်တာပါ။ အခုတော့အထွေ ထွေပိုလျှံရန်ပုံငွေနဲ့ ပြင်ဆင်သွားမှာ ပါ”ဟု တောင်ကြီးမြို့နယ် ကျေးလက် လမ်းဦးစီးဌာနမှ မြို့နယ်ဦးစီးမှူး ဦး နိုင်ဝင်း‌အောင်က ပြောသည်။

.

အဆိုပါ ပန်းတင်လမ်းမကြီး၏ ပျက်စီးနေသည့် လမ်းပိုင်း ၅၉၀၀ ပေကို ကတ္တရာလမ်းအဖြစ် အဆင့် မြှင့်တင် ပြုပြင်ဆောင်ရွက်ရာတွင် ၅ ပေပတ်လည် တံတား ၄ စင်း ထည့် သွင်း ဆောင်ရွက်ပေးသွားမည်ဖြစ် ပြီး အထွေထွေ ပိုလျှံ ရန်ပုံငွေ ၃၁၄ သန်း ကုန်ကျမည်ဟု ခန့်မှန်းထား ကြောင်း ၎င်းထံက သိရသည်။

.

ပန်းတင် လမ်းမကြီးသည် ဗိုလ် ချုပ်အောင်ဆန်းလမ်း၊ တောင်ကြီး-ဇလဲ-လဲသက်လမ်း၊ ကန်လောင်း-ဇလဲလမ်းတို့နှင့် ဆက်စပ်နေပြီး ယခု ပျက်စီးနေသည့် လမ်းပိုင်းအား အဆင့် မြှင့်တင် ပြုပြင်မှုလုပ်ငန်းများ ဆောင် ရွက်ပြီးပါက တောင်ကြီးမြို့ပတ်လမ်း တစ်ခုအဖြစ် အသုံးပြု သွားလာနိုင် မည်ဖြစ်ကြောင်း သိရသည်။

.