ညောင်ဖြူစခန်းရပ်ကွက် စာကြည့်တိုက် ဆောက်လုပ်ရန် မြေနေရာသတ်မှတ်ထားခြင်းနှင့် ပတ်သက်၍ ဒေသခံများ ဝေဖန်

မင်းမင်း

.

တောင်ကြီးမြို့၊ ညောင်ဖြူစခန်း ရပ်ကွက်၊ စဝ်စံထွန်းဈေး  တောင်ဘက်၊ ရွှေပြည်စိုးလမ်းထောင့်ရှိ‌ မြေကွက် အတွင်း ရပ်ကွက် စာကြည့်တိုက် ဆောက်လုပ်ရန်အတွက် ရပ်ကွက် အုပ်ချုပ်ရေးမှူးရုံးမှ သံဇကာများ ကာရံထားမှုနှင့် ပတ်သက်၍ ဒေသခံ များမှ ဝေဖန်ပြောဆိုလျက်ရှိသည်။

.

.

“ညောင်ဖြူမှာ အရင်ကတည်း က စာကြည့်တိုက်ရှိတယ်။ စာကြည့် တိုက်ဆောက်ဖို့ထက် တခြားဟာ လုပ်ဖို့ပဲ ဖြစ်မှာပါ။ ဘာလို့လဲဆိုတော့ လမ်းတစ်ဘက်မှာ စဝ်စံထွန်းဈေး ရှိတယ်။ နယ်နိမိတ်ကျဉ်းပေမဲ့ လမ်း ဆုံလမ်းထောင့် ဆိုတော့ စီးပွားရေး တစ်ခုခု လုပ်ဖို့ နေရာကောင်း ဖြစ် နေတယ်။ ဘယ်လိုပဲ ဖြစ်ဖြစ် ရပ် ကွက်သူ/သားတွေကို ပွင့်လင်းမြင် သာအောင် အသိပေးချပြရမယ်။ အခု က ခြံခတ်ပြီး ဆိုင်းဘုတ်ချိတ်ထား လို့သာ စာကြည့်တိုက်ဆောက်ဖို့ ဆို တာ သိရတယ်။ ကိုယ်ကျိုးစီးပွား အ တွက် အသုံးချမှာကို စိုးရိမ်နေကြ တာပါ” ဟု တောင်ကြီးမြို့၊ ညောင်ဖြူ စခန်းရပ်ကွက်နေ ခွန်ဌေးအောင်က ကမ္ဘောဇတိုင်းသို့ ပြောသည်။

.

ယင်း ညောင်ဖြူစခန်း ရပ်ကွက် စာကြည့်တိုက် ဆောက်လုပ်မည့် အ စီအစဉ်နှင့် ပတ်သက်၍ ရပ်ကွက် အုပ်ချုပ်ရေးမှူးရုံး တာဝန်ရှိသူများက ရပ်ကွက်နေ ပြည်သူလူထုအား အသိ ပေးညှိနှိုင်းခြင်း မရှိသည့်အပြင် ပွင့်လင်းမြင်သာမှု မရှိသဖြင့် ဒေသခံ များက ဝေဖန် ပြောဆိုနေကြခြင်းဖြစ် ကြောင်း သိရသည်။

.

အဆိုပါ ကိစ္စနှင့် ပတ်သက်၍ ညောင်ဖြူစခန်း ရပ်ကွက် အုပ်ချုပ် ရေးမှူး ဦးခွန်ကျော်စမ်းအား ကမ္ဘော ဇတိုင်းမှ သွားရောက်တွေ့ဆုံ မေး မြန်းရာတွင် “စာကြည့်တိုက်ဆောက် ဖို့အတွက် ပြည်နယ်အစိုးရအဖွဲ့ဆီ က ခွင့်ပြုချက်ရဖို့ တင်ပြထားတုန်း ရှိသေးတယ်။ ခွင့်ပြု/မပြု အဖြေမ ထွက်သေးတော့ ပြောလို့မရသေး ဘူး”ဟု ပြန်လည်ဖြေကြားခဲ့သည်။

.

ယင်း ရွှေပြည်စိုးလမ်းထောင့်ရှိ ပလပ်မြေအား ညောင်ဖြူစခန်းရပ် ကွက် အုပ်ချုပ်ရေးမှူးရုံး တာဝန်ရှိ သူများက ဇူလိုင်လအတွင်း သံဇကာ များ ကာရံ၍ စာကြည့်တိုက် ဆောက် လုပ်ရန် အသိပေးချိတ်ဆွဲထားခဲ့ခြင်းဖြစ်ကြောင်း သိရသည်။

.

ထို့အပြင် ယင်းကဲ့သို့ သံဇကာ ကာရံမှုကြောင့် ယင်းမြေနေရာရှိ ဈေး ဆိုင်ခန်းများ ရွှေ့ပြောင်းပေးခဲ့ရပြီး ယင်း နေရာသည် လမ်းဆုံလမ်း ထောင့် ဖြစ်သည့်အတွက် ယာဉ်ကြော ကြပ်တည်း ပိတ်ဆို့မှုများ ဖြစ်လာနိုင် ကြောင်း ဒေသခံများထံက သိရသည်။

.