တာချီလိတ်တွင် ကျပ်သိန်းပေါင်း ၉၆၀၀၀ တန်ဖိုးရှိ မူးယစ်ဆေးဝါးများ တင်ဆောင်လာသော ကားအား ဖမ်းမိပြီး ယာဉ်မောင်း ထွက်ပြေးလွတ်မြောက် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, August 8, 2020

တာချီလိတ်တွင် ကျပ်သိန်းပေါင်း ၉၆၀၀၀ တန်ဖိုးရှိ မူးယစ်ဆေးဝါးများ တင်ဆောင်လာသော ကားအား ဖမ်းမိပြီး ယာဉ်မောင်း ထွက်ပြေးလွတ်မြောက်


မင်းဇော်မင်း
.
ရှမ်းပြည်နယ်အရှေ့ပိုင်း၊ တာချီလိတ်မြို့နယ်၊ ဝမ်လုံးကျေးရွာအုပ်စု၊ ယမ်းခေါင်ကျေးရွာအနီး တာချီလိတ်-မိုင်းဆတ်သွား ကားလမ်းတွင် ဩဂုတ်လ ၇ ရက်၊ ညနေပိုင်းက ငွေကျပ်သိန်းပေါင်း ၉၆၀၀၀ တန်ဖိုးရှိ မူးယစ်ဆေးဝါးများတင်ဆောင်လာသော မော်တော်ယာဉ်တစ်စီးအားဖမ်းဆီးရမိခဲ့ပြီး ယာဉ်မောင်းဖြစ်သူ ထွက်ပြေး လွတ်မြောက် သွားခဲ့ကြောင်း သိရသည်။
.

.
ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဩဂုတ်လ ၇ ရက်၊ ညနေ ၅ နာရီ အချိန်ခန့်က တာချီလိတ်မြို့နယ်၊ ဝမ်လုံးကျေးရွာအုပ်စု၊ ယမ်းခေါင်ကျေးရွာ၊ ကျောက်ခွဲစက်အနီး၊ တာချီလိတ်-မိုင်းဆတ်သွား ကားလမ်းပေါ်တွင် မူးယစ် ဆေးဝါးသတင်းအရ စောင့်ဆိုင်းနေစဉ် ယမ်းခေါင်ရွာဘက်မှ တာချီလိတ်ဘက်သို့ မောင်းနှင်လာသည့် ဖော်ကျူနာ အမျိုးအစား အနက်ရောင်မော်တော်ယာဉ်အား ရပ်တန့်စစ်ဆေးရာ ရပ်တန့်ခြင်းမရှိဘဲ မောင်းနှင်ထွက်ပြေးသွားသဖြင့် လိုက်လံဖမ်းဆီးရာ အဆိုပါနေရာမှ ကိုက် ၅၀ ခန့်အကွာတွင် ယာဉ်အား ရပ်တန့်ထားခဲ့ပြီး ယာဉ်မောင်း ထွက်ပြေး တိမ်းရှောင်သွားခဲ့ခြင်းဖြစ်ကြောင်း သိရသည်။
.
ဆက်လက်ပြီး မော်တော်ယာဉ်အား စစ်ဆေးရာ ယာဉ်ပေါ်မှ စိမ်း/ဝါ/နီကြား ဆာလာအိတ်များဖြင့် ထည့်ထားသော မူးယစ်ဆေးဝါးဟုယူဆရသည့် စုစုပေါင်းဆေးပြား ၆၄ သိန်းပြား၊ ကာလတန်ဘိုး ကျပ်သိန်း ၉၆၀၀၀ ကို ရှာဖွေတွေ့ရှိခဲ့ ကြောင်း သိရသည်။
.
အဆိုပါ မူးယစ်ဆေးဝါးများ သိမ်းဆီးရမိမှုနှင့် ပတ်သက်၍ တိမ်းရှောင်နေသူ ယာဉ်မောင်းအား တာချီလိတ်မြို့မရဲစခန်း တွင် မယ (ပ) ၁၀၉/၂၀၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေပုဒ်မ ၁၉ (က) ဖြင့် အမှုဖွင့်ပြီး ဖမ်းဆီးရမိရေးအတွက် ဆောင်ရွက်လျက်ရှိကြောင်း သိရသည်။
.

No comments:

Post a Comment

Journal Download

Photo of three cats