ကိုစိုး (ကမ္ဘောဇတိုင်း)
.
၂၀၂၀ ရွေးကောက်ပွဲတွင် ဝင်ရောက်ယှဉ်ပြိုင် အရွေးချယ်ခံရန် အမည်စာရင်း
တင်သွင်းထားသည့် ပြည်ထောင် စု ကြံ့ခိုင်ရေးနှင့် ဖွံ့ဖြိုးရေးပါတီမှ ကိုယ်စားလှယ်လောင်း
၃ ဦး၏ အမည်စာရင်းတင်သွင်းထားမှုအား ရုပ်သိမ်းပေးရန် ပြည်ခိုင်ဖြိုးပါတီက တင်ပြထားသည်ဟု
သိရသည်။
.
.
အဆိုပါ အမည်စာရင်းတင်းသွင်းထားမှုအား ရုပ်သိမ်းပေးရန် တင်ပြထားသည့်
လွှတ်တော်ကိုယ်စားလှယ်လောင်း ၃ ဦး မှာ ရှမ်းပြည်နယ်လွှတ်တော် တောင်ကြီးမြို့နယ်မဲဆန္ဒနယ်အမှတ်
(၂) မှ ဦးခွန်သူရအောင်၊ လွိုင်လင်မြို့နယ်၊ မဲဆန္ဒနယ်အမှတ် (၁) မှ အမည်စာရင်းတင်သွင်းထားသူ
ဦးခွန်ဒီဂေါလ်၊ ကလောမြို့နယ်မဲဆန္ဒ နယ်အမှတ် (၁) မှ အမည်စာရင်း တင်သွင်းထားသူ ဦးမြတ်စိုးတို့ဖြစ်ကြောင်း
သိရသည်။
“ကိုယ်ရေးကိုယ်တာ အကြောင်းကြောင်းကြောင့် တင်ဖြစ်တာပါ။ ပါတီက
ဖိအားပေးတာမျိုးတော့ မရှိပါဘူး။ ပါတီ အဆင့်ဆင့်ရဲ့ ညွှန်ကြားချက်လည်း ပါတာပေါ့။ တင်သွင်းတာ
အားလုံး ၃ ယောက်ပါ။ ကလောက တစ်ယောက်ရယ်၊ ကျွန်တော်ရယ်၊ ၂ ကြိမ်ဆက် တာဝန်ထမ်းဆောင်ပြီးတဲ့ လွိုင်လင်က ဦးခွန်ဒီဂေါလ်တို့ပါ” ဟု ဦးခွန်သူရအောင်က ကမ္ဘောဇတိုင်းသို့ ပြောသည်။
.
ထို့အတူ ဦးခွန်ဒီဂေါလ်ကလည်း “ကျွန်တော်တို့ သဘောဆန္ဒအရ တင်ခဲ့တာပါ။
ကျွန်တော့်ရဲ့ ကိုယ်ရေး ကိုယ်တာ ကိစ္စကြောင့်၊ ကျန်းမာရေး အခြေအနေအရ နုတ်ထွက်တာပါ” ဟု
ပြောဆိုခဲ့သည်။
.
ယင်းကဲ့သို့ လွှတ်တော်ကိုယ်စားလှယ်လောင်းများ နုတ်ထွက်မှုနှင့်
ပတ်သက်၍ မဲဆန္ဒရှင်ပြည်သူအချို့မှလည်း ဝေဖန် ပြောဆိုမှုများ ရှိနေကြောင်း သိရသည်။
.
အဆိုပါကိစ္စနှင့် ပတ်သက်၍ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
ရှမ်းပြည်နယ်အလုပ်အမှုဆောင်အဖွဲ့ ဥက္ကဋ္ဌ ဦးသန်းဝင်းအား ကမ္ဘောဇတိုင်းမှ ဆက်သွယ်မေးမြန်းရာတွင်
“နုတ်ထွက်စာတင်တာ ဟုတ်ပါတယ်။ သူတို့သဘောဆန္ဒ ရော ပါတီရဲ့ သဘောတူညီချက် နှစ်ဘက်သဘောအရပါ။
ကိုယ်စားလှယ်လောင်းစာရင်းတွေ ဒီနေ့ ကော်မရှင်မှာ စိစစ် နေပါတယ်။ ကော်မရှင်က အတည်ပြုပြီးရင်တော့
ထုတ်ပြန်ပေးမှာပါ။ ကျွန်တော်လည်း မိုင်းဆတ်ကပဲ ပြန်ပြိုင်မှာပါ” ဟု ပြောဆိုခဲ့သည်။
.
လာမည့် ၂၀၂၀ ပြည့်နှစ် ပါတီစုံဒီမိုကရေစီအထွေထွေရွေးကောက်ပွဲတွင်
ဝင်ရောက်ယှဉ်ပြိုင်မည့် ပါတီအသီးသီး၏ လွှတ်တော်ကိုယ်စား လှယ်လောင်းအမည်စာရင်းများကို
သက်ဆိုင်ရာပါတီများမှ ထုတ်ပြန်နေကြသော်လည်း လက်ရှိ ဩဂုတ်လ ၁၁ ရက် နံနက်ပိုင်းအထိ ပြည်ထောင်စုကြံ့ခိုင်ရေးနှင့်
ဖွံ့ဖြိုးရေးပါတီအပါအဝင် နိုင်ငံရေးပါတီအချို့မှာ ကိုယ်စားလှယ်လောင်း အမည်စာရင်းများကို
ထုတ်ပြန်ကြေညာခြင်း မပြုသေးချ။
.
