ရှမ်းပြည်နယ်အတွက် နိုင်ငံတော်မှ အရန်ဆီပုံးပေါင်း ၈ သောင်းကျော် ဖြန့်ဝေပေးထား

စုလှိုင်

.

ရှမ်းပြည်နယ်အတွက် နိုင်ငံတော် မှ အရေးပေါ်ရိက္ခာ ဖြန့်ဝေပေးရန် ဇူလိုင်လ နောက်ဆုံးပတ်က ဆီ ၁၀ ပိဿာဝင်ပုံးပေါင်း ၈၇၁၄၉ ပုံး ဖြန့်ဝေ ပေးထားပြီး သိုလှောင်ထားရှိကြောင်း ရှမ်းပြည်နယ် စားသုံးသူရေးရာ ဦးစီး ဌာနမှ သိရသည်။

.

.

“နိုင်ငံတော် အရန်ရိက္ခာ ဖြန့် ဝေရေးပေါ့။ အရေးပေါ်ဖြစ်လာရင် ဖြန့်ဝေ ပေးဖို့အတွက် အစိုးရကပေး တာပေါ့။ ရှမ်းပြည်နယ်အတွက် လူ ဦးရေကို ကြည့်ပြီး အရန်အနေနဲ့ ပေး တာပါ။ တစ်နိုင်ငံလုံးကိုလည်းပေးပါ တယ်။ သိုလှောင်ဖို့ ဖြန့်ဝေပေးထား ပါတယ်”ဟု ရှမ်းပြည်နယ် စားသုံးသူ ရေးရာ ဦးစီးဌာနမှ ပြည်နယ်ဦးစီးမှူး ဦးတင့်လွင်ဦးက ပြောသည်။

.

အဆိုပါ ဖြန့်ဝေပေးထားသည့် ဆီ ၁၀ ပိဿာဝင်ပုံး ၈၇၁၄၉ ပုံး၊ အ လေးချိန် ၁၄၀၀ ဒသမ ၆၂၉ တန်အ နက် ရှမ်းပြည်နယ်အရှေ့ပိုင်း၊ ကျိုင်း တုံမြို့သို့ ၁၃၄၉၂ ပုံး၊ ရှမ်းပြည်နယ် မြောက်ပိုင်း၊ လားရှိုးမြို့သို့ ၃၇၇၂၃ ပုံး ဖြန့်ဝေပေးထားပြီး ဖြစ်ကြောင်း  ၎င်းထံက သိရသည်။

.

“သိုလှောင်ထားတဲ့ အဆင့်ပဲ ရှိ သေးတယ်။ ဒါကလည်း နိုင်ငံတော် အစိုးရက ဖြန့်ဝေဖို့ ခွင့်ပြုချက်ရရင် ပြည်နယ်အစိုးရအစီအစဉ်နဲ့ ဖြန့်ဝေ သွားမှာပါ။ အရေးပေါ် အခြေအနေ ဆိုရင် ညွန်ကြားချက်ရရင် ဖြန့်ဝေပေး သွားမှာပါ”ဟု ဦးတင့်လွင်ဦး ကဆက် လက် ပြောဆိုခဲ့သည်။

.

COVID-19 ကပ်ရောဂါ ကာကွယ် ထိန်းချုပ်ကုသရေး ကာလအတွင်း ပြည်တွင်း ကုန်ဈေးနှုန်း တည်ငြိမ် ရေး၊ ပြည်သူလူထု ရိက္ခာ ဖူလုံစေရေး အတွက် နိုင်ငံတော်အရန် ဆန်နှင့် အရန်ဆီ ငွေကျပ် ၃၈ ဘီလီယံ တန် ဖိုး ဝယ်ယူ စုဆောင်းနေခြင်း ဖြစ် ကြောင်း သိရသည်။

.