ခွန်သန်းအောင်
.
ကလောမြို့နယ်၊
အောင်ပန်းမြို့တွင် သြဂုတ်လ ၃၀ ရက်က ဖဲရိုက် လောင်းကစား ပြုလုပ်နေသူ ၇ ဦးကို ရဲတပ်ဖွဲ့က ဖမ်းဆီးခဲ့ကြောင်း သိရသည်။
.
အောင်ပန်းမြို့၊
အမှတ် ၃ ရပ်ကွက်၊ အေးမြင့်သာယာရပ်၊ နယ်မြေ(၁)၊ ပိတောက်လမ်းရှိ နေအိမ်တစ်လုံးတွင် ဖဲရိုက်
လောင်းကစား ပြုလုပ်နေကြောင်း သတင်းအရ
ကလောမြို့နယ်ရဲတပ်ဖွဲ့မှူး၏ ရှာဖွေဝရမ်းဖြင့်
သက်သေများနှင့်အတူ ရဲတပ်ဖွဲ့ဝင်များက ဝင်ရောက်ရှာဖွေရာမှ လောင်းကစားငွေကျပ် ၄၈၀၀၀ အပါအဝင် သက်သေခံပစ္စည်းများနှင့်အတူ ဖမ်းဆီးရမိခဲ့ခြင်း ဖြစ်ကြောင်း
သိရသည်။
.
အဆိုပါ လောင်းကစား ပြုလုပ်နေသည့် အိမ်ပိုင်ရှင် အမျိုးသမီး
အပါအဝင် ၇ ဦးတို့ကို အောင်ပန်းနယ်မြေရဲစခန်းမှ (ပ)၁၅၅/၂၀၂၀၊
လောင်းကစားဥပဒေပုဒ်မ ၁၆(က)/၁၇(က) ဖြင့် အမှုဖွင့်၍ ဖမ်းဆီးအရေးယူ
ဆောင်ရွက်နေကြောင်း သိရသည်။
