မိုင်းယောင်း၌ မိုးဦးစိုက် အစေ့ထုတ်ပြောင်းများ စတင်ရိတ်သိမ်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, August 17, 2020

မိုင်းယောင်း၌ မိုးဦးစိုက် အစေ့ထုတ်ပြောင်းများ စတင်ရိတ်သိမ်း


ကိုကိုနိုင်
.
တာချီလိတ်ခရိုင်၊ မိုင်းယုမြို့တွင် မိုးဦးကျကာလက စတင် စိုက်ပျိုးခဲ့သည့် မိုးအစေ့ထုတ်ပြောင်းများကို စတင် ရိတ်သိမ်းလျက် ရှိကြောင်း သိရသည်။
.
မိုင်းယုမြို့ရှိ ဒေသခံပြည်သူများ အနေဖြင့် နှစ်စဉ် တန်ခူးလဆန်း သင်္ကြန် မိုးဦးကျသည်နှင့် အစေ့ထုတ် ပြောင်း စတင် စိုက်ပျိုးလျက်ရှိရာ ယခုနှစ်တွင် ငမြှောင်တောင်ပိုး ကျရောက်ခြင်း မရှိသဖြင့် ပြောင်းများ ဖြစ်ထွန်းအောင်မြင်နေပြီး အထွက် နှုန်းကောင်းမွန်ကြောင်း သိရသည်။
.

မိုင်းယုတွင် စိုက်ပျိုးသည့် အစေ့ထုတ်ပြောင်း မျိုးများမှာ CP-888၊ ယိုးဒယား 288၊ F-888၊ နှင့် CP-222 မျိုးများ ဖြစ်ပြီး ၎င်းမျိုးများမှာ ဖူးတံရှည်ကာ အဖူး ထွက်လုံသည့်အတွက် မိုးကာလတွင် စိုက်ပျိုးပါက မိုးဒဏ် ခံနိုင်ပြီး အထွက်နှုန်း ပိုကောင်း၍ တောင်သူများ ကြိုက်နှစ်သက်သည့် ပြောင်းမျိုးစေ့များ ဖြစ်ကြောင်း သိရသည်။
.
အစေ့ထုတ်ပြောင်းကို မိုးရာသီနှင့် ဆောင်းရာသီ ဟူ၍ တစ်နှစ်လျှင် ၂ ရာသီ စိုက်ပျိုးလျက်ရှိပြီးသ င်္ကြန် မိုးဦးတွင် စိုက်ပျိုးထားသည့် အစေ့ထုတ်ပြောင်းများကို ယခုအခါ ဒေသခံများက စတင် ဆွတ်ခူးရိတ်သိမ်းနေပြီ ဖြစ်ကြောင်း မိုင်းယုမြို့စိုက်ပျိုးရေး ဦးစီးဌာနမှူး ဦးစိုးမင်းဦးကျော်ထံက သိရသည်။
.
“ဒီနှစ် မိုင်းယုမှာ မိုးအစေ့ထုတ် ပြောင်း ၂၂၅၇ ဧက စိုက်ပျိုးထားပြီး တစ်ဧက ၈၂ တင်း ထွက်ရှိဖို့ မျှော်လင့် ထားပါတယ်။ မိုးအစေ့ထုတ်ပြောင်း အခြောက် တစ်ကီလိုကို ၄၀၀ ကျပ် လောက်ရမယ်လို့ ခန့်မှန်းထားပါ တယ်”ဟု မိုင်းယုမြို့ လယ်ယာမြေစီ မံခန့်ခွဲရေးနှင့် စာရင်းအင်း ဦးစီးဌာနမှ မြို့ဦးစီးမှူး ဦးမြတ်စေမင်းက ပြောသည်။
.
အဆိုပါ အစေ့ထုတ်ပြောင်းများကို အိမ်မွေးတိရစ္ဆာန်အစာ အတွက် သာမက နယ်စပ်ဒေသဖြစ်၍ တစ်ဘက်နိုင်ငံသို့ တင်ပို့ ရောင်းချပြီး မိသားစုအပိုဝင်ငွေ ရရှိနိုင်သည့် သီးနှံဖြစ်သောကြောင့် မိုးအစေ့ထုတ် ပြောင်းကို များစွာ စိုက်ပျိုး လျက်ရှိရာ မိုင်းယုတွင် မိုးအစေ့ ထုတ်ပြောင်း စိုက်ပျိုးမှု ဖြစ်ထွန်း အောင်မြင်လျက် ရှိသည်။

No comments:

Post a Comment

Journal Download

Photo of three cats

About