စောဦး (ရတနာမြေ)
.
ကျောက်မဲခရိုင်၊ နမ္မတူမြို့နယ်၊ ကြူဆော့တိုက်ပွဲရှောင်စခန်းတွင်
ဩဂုတ်လ ၁၈ ရက်၊ နံနက်ပိုင်းမှ စတင်၍ အခြေခံ စီးပွားရေးသင်တန်းများကို ဖွင့်လှစ်သင်ကြား
ပို့ချပေးခဲ့ကြောင်း သိရသည်။
.
.
ဂရုဏာစည်းလုံးညီညွတ်ရေးအသင်းမှ ခံစားသူများ၏ အခြေခံစီးပွားရေးဆိုင်ရာ
အရည်အသွေးများ မြှင့်တင်ပေးရန်၊ အကျိုးခံစားသူများ၏ မိသားစုတွင်း အပိုဝင်ငွေ ရရှိတိုးပွားလာစေရန်
ရည်ရွယ်၍ အဆိုပါ သင်တန်းကို ဖွင့်လှစ် သင်ကြားပေးခြင်းဖြစ်ကြောင်း သိရသည်။
သင်တန်းတွင် ဂရုဏာစည်းလုံးညီညွတ်ရေးအသင်းမှ ဦးဖုန်းအောင် (Livelihood Technician)၊ ဦးလှဒွဲ
(Field Facilitator) နှင့်
ဦးတူလီ (Field Facilitator)တို့က
စီးပွားရေးလုပ်ငန်းတစ်ခုရွေးချယ်ခြင်း၊ စီးပွားရေးလုပ်ငန်းရှင် များ၏ စွမ်းရည်၊
ဆက်သွယ်/ဆက်ဆံရေးနှင့် ဆက်သွယ်ရေး၏ အရေးပါပုံ၊ လုပ်ငန်းမစတင်မီ လေ့လာသင်ယူရမည့်
အချက်များ၊ ဈေးကွက်သုတေသနအခြေခံ၊ စီးပွားရေးစီမံကိန်း ရေးဆွဲခြင်း၊ စိန်ခေါ်မှု
အခက်အခဲများ ဖော်ထုတ်ခြင်း၊ ကောင်းမွန်သောရင်းနှီးမြှုပ်နှံမှု၊ ထုတ်ကုန်တန်ဖိုး
မြှင့်တင်ခြင်း၊ ဈေးကွက်ရှာဖွေဖော်ထုတ်ခြင်း၊
ဈေးနှုန်းသတ်မှတ် ခြင်း၊ မှတ်တမ်းပြုစုနည်း စသည့် သင်ခန်းစာများအား ဩဂုတ်လ ၁၈
ရက်နေ့မှ ၂၀ ရက်အထိ ၃ ရက်တာ ဖွင့်လှစ် သင်ကြားပေးခဲ့ခြင်းဖြစ်ကြောင်း သိရသည်။
.
သင်တန်းသို့ ကြူဆော့ ကြဆော့တိုက်ပွဲရှောင်စခန်းမှ သင်တန်းသား
ကျား ၁ ဦး၊ မ ၈ ဦး၊ စုစုပေါင်း ၉ ဦး တက်ရောက် သင်ယူခဲ့ကြောင်း သိရသည်။
.
