မိုင်းဆတ်တွင် လူသတ်မှုဖြစ်ပွား

စိုင်းသိင်္ခသူ

.

မိုင်းဆတ်မြို့နယ်၊ ကျတီကျေးရွာအုပ်စု၊ (၁၈) မိုင်ကျေးရွာတွင် ဩဂုတ်လ ၂၀ ရက်၊ ညနေပိုင်းက လူသတ်မှုဖြစ်ပွားခဲ့ပြီး ကျူးလွန်သူအား ဩဂုတ်လ ၂၁ ရက်၊ မွန်းလွဲပိုင်းတွင် ဖမ်းဆီးရမိခဲ့ကြောင်း သိရသည်။

.

.

ကျတီကျေးရွာအုပ်စု၊ (၁၈) မိုင်ကျေးရွာနေ ကျတိသည် ဩဂုတ်လ ၂၀ ရက်၊ ညနေပိုင်းက ၎င်း၏ နေအိမ် မီးဖိုခန်းတွင် မိုင်းတုံမြို့နယ်နေ ဦးကျဖူးနှင့်အတူ မီးလှုံနေစဉ် ကျတိ၏ အစ်ကိုဖြစ်သူ ကျဖူလွဲ ရောက်ရှိလာပြီး ဆန်တောင်းသည့် ကိစ္စဖြင့် မကျေနပ်မှု ဖြစ်ပွားရာမှ ကျဖူလွဲက ဦးကျဖူးအား နောက်ကျောမှ ထင်းခုတ်ဓါးဖြင့် ခုတ်သတ်၍ ထွက်ပြေး သွားခဲ့ခြင်းဖြစ်ကြောင်း သိရသည်။

.

အဆိုပါအမှုမှ လူသတ်မှု ကျူးလွန်သူ ကျဖူလွဲအား ဩဂုတ်လ ၂၁ ရက်၊ မွန်းလွဲ ၂ နာရီခွဲခန့်က မိုင်းဆတ်မြို့နယ်၊  (၁၈) မိုင်ကျေးရွာအနောက်ဘဲ တောအတွင်း သက်သေခံ အရိုးအသွား တစ်ပေခွဲရှိ ထင်းခုတ်ဓါးနှင့်အတူ ဖမ်းဆီးရမိခဲ့ကြောင်း သိရသည်။

.

ယင်းလူသတ်မှုနှင့် ပတ်သက်၍ ကျူးလွန်သူ ကျဖူလွဲအား မိုင်းဆတ်မြို့မရဲစခန်းတွင် (ပ)၈၄/၂၀၂၀၊ ရာဇသတ်ကြီး ဥပဒေပုဒ်မ၊ ၃၀၂ ဖြင့် အမှုဖွင့်အရေးယူ ဆောင်ရွက်လျက်ရှိကြောင်း သိရသည်။

.