မူဆယ် နမ့်ပေါ်တံတားအနီးတွင် တရားမဝင် တရုတ်နိုင်ငံသား ၃ ဦး ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, August 9, 2020

မူဆယ် နမ့်ပေါ်တံတားအနီးတွင် တရားမဝင် တရုတ်နိုင်ငံသား ၃ ဦး ဖမ်းမိ


စိုင်းသိင်္ခသူ
.
မူဆယ်မြို့နယ်၊ နမ့်ပေါ်တံတားအနီးတွင် ဩဂုတ်လ ၈ ရက်က တရားမဝင် ဝင်ရောက်လာသော တရုတ်နိုင်ငံသား ၃ ဦးနှင့် အခကြေးငွေဖြင့် ခေါ်ဆောင်လာသူ မြန်မာနိုင်ငံသား တစ်ဦးတို့အား ဖမ်းဆီးရမိကြောင်း တပ်မတော် သတင်းမှန်ပြန်ကြား‌ရေးအဖွဲ့က သတင်းထုတ်ပြန်ထားသည်။
.

.
နယ်မြေလုံခြုံရေး တပ်ဖွဲ့ဝင်များသည် ပြည်ထောင်စုလမ်းမကြီးမှတစ်ဆင့် မူးယစ်ဆေးဝါး ဝင်ရောက်မှုမရှိစေရေး အတွက် ရှာဖွေစစ်ဆေးနေစဉ် ဩဂုတ်လ ၈ ရက်၊ ညနေ ၃ နာရီခွဲခန့်က မူဆယ်မြို့နယ်၊ နမ့်ပေါ်တံတားအနီးတွင် မူဆယ်ဘက်မှ ကွတ်ခိုင်ဘက်သို့ မောင်းနှင်လာသော မော်‌တော်ဆိုင်ကယ်အသစ် ၄ စီးအား မသင်္ကာသဖြင့် ရပ်တန့် စစ်ဆေးရာ တရားမဝင် ဝင်ရောက်လာသူ တရုတ်နိုင်ငံသား အမျိုးသား ၃ ဦးနှင့် ၎င်းတို့အား အခကြေးငွေဖြင့် ဥပဒေမဲ့ ခေါ်ဆောင်လာသူ မြန်မာနိုင်ငံသား အမျိုးသားတစ်ဦးတို့အား ဖမ်းဆီးရမိခဲ့ခြင်းဖြစ်ကြောင်း သိရသည်။
.
အဆိုပါ တရားမဝင် ဝင်ရောက်လာသူ တရုတ်နိုင်ငံသား ၃ ဦးနှင့် မြန်မာနိုင်ငံသား တစ်ဦး၊ ဆိုင်ကယ် ၄ စီးတို့အား ဥပဒေအရ ဆက်လက်အရေးယူမှုများ ဆောင်ရွက်နိုင်ရန် သက်ဆိုင်ရာဌာနများသို့ လွှဲပြောင်းပေးအပ်ခဲ့ကြောင်း တပ်မတော် သတင်းမှန်ပြန်ကြားရေးအဖွဲ့၏ ထုတ်ပြန်ချက်တွင် ဖော်ပြထားသည်။
.

No comments:

Post a Comment

Journal Download

Photo of three cats

About