မင်းဇော်မင်း
.
ကိုယ်အပူချိန်
မြင့်တက်မှု မရှိ၊ အဖျား မရှိသော်လည်း အနံ့ မရကြောင်း သတင်း ပို့လာသူ
ပညာရေးဝန်ထမ်း တစ်ဦးအား သြဂုတ်လ ၂၄ ရက်၊ နံနက်ပိုင်းက
ကလောမြို့နယ် ပြည်သူ့ဆေးရုံ သံဃာ ဆေးကုသဆောင်တွင် သီးခြား
ထားရှိ၍ စောင့်ကြည့်နေလျက် ရှိကြောင်း ကလောမြို့နယ်အုပ်ချုပ်ရေးမှူးရုံးမှ သိရသည်။
.
“ မနေ့ ညနေက ရေချိုးပြီးနောက် အနံ့မရဘူး ဖြစ်လာလို့ ဘေးနားက မိတ်ဆွေတွေက
သတင်းပို့ရင်း ခုလို ဆေးရုံ တက်ရောက်ရတာပါ။ သူ့ရဲ့
နှာခေါင်း၊ လည်ချောင်း တို့ဖတ်ကတော့ ၂၆ ရက်မှာ ပို့ပါ့မယ်။
ခုတော့ သီးခြားထားရှိပါတယ်။ ခရီးသွား ရာဇဝင်မရှိဘူးလို့ သိရတယ်၊
ဆက်စပ်သူတွေကိုလည်း စောင့်ကြည့်နေပါတယ်။” ဟု ကလောမြို့နယ် အုပ်ချုပ်ရေးမှူး
ဦးခင်မင်းက ကမ္ဘောဇတိုင်းသို့ ပြောသည်။
.
ယခုကဲ့သို့
ကိုယ်အပူချိန် မြင့်တက်မှု
မရှိ၊ အဖျား မရှိသော်လည်း အနံ့ မရရှိဘဲ ဖြစ်နေသူမှာ ကလောမြို့ ၊ အမှတ်(၄)ရပ်ကွက်မှ ပညာရေးဝန်ထမ်း အမျိုးသမီး ဖြစ်ပြီး ကလောမြို့နယ်ဆေးရုံသို့ သတင်းပို့ခဲ့ပြီးနောက် ဆေးရုံရှိ
သံဃာ ဆေးကုသဆောင်တွင် သီးခြား စောင့်ကြပ်လျက် ရှိပြီး ၎င်း၏
ဓါတ်ခွဲနမူနာအား ရန်ကုန်မြို့သို့ ပေးပို့ စစ်ဆေးသွားမည် ဖြစ်ကြောင်း သိရသည်။
