ကမ္ဘောဇတိုင်း
.
ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့တွင် ဩဂုတ်လ
၂၇ ရက်၊ နေ့လယ်ပိုင်းက ငွေကျပ် သိန်း ၂၀၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း
သိရသည်။
.
.
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သော
ပူးပေါင်းအဖွဲ့သည် ဩဂုတ်လ ၂၇ ရက်၊ နေ့လယ် ၂ နာရီအချိန်ခန့်က ဟိုပုံးမြို့နယ်၊ ဟိုပုံး-လွိုင်လင်သွား
ကားလမ်းတွင် စစ်ဆေးရှာဖွေမှုများ ပြုလုပ်နေစဉ် လွိုင်လင်မြို့ဘက်မှ
ဟိုပုံးမြို့ဘက်သို့ လားရှိုးမြို့၊ ရပ်ကွက်(၁၂)နေ စိုင်းပန်းလူ စီးနင်းမောင်းနှင်လာသည့်
AUDI A3 SALOON အမျိုးအစားမော်တော်ယာဉ်အား
ရပ်တန့်စစ်ဆေးရှာဖွေရာ ယာဉ်ပေါ်တွင်သိုဝှက်သယ်ဆောင်လာသော စိတ်ကြွ ရူးသွပ်ဆေးပြား
၂၀၀၀၀၀ ပြား၊ ဒေသကာလပေါက်စျေးတန်ဖိုးငွေကျပ်သိန်း ၂၀၀၀ အား သိမ်းဆည်းရမိ ခဲ့ခြင်း ဖြစ်ကြောင်း
သိရသည်။
အဆိုပါ စိတ်ကြွရူးသွပ်ဆေးပြားများ ဖမ်းဆီးရမိမှုနှင့် ပတ်သက်၍
သယ်ဆောင်လာသူ စိုင်းပန်းလူအား ဟိုပုံးမြို့မ ရဲစခန်းတွင် မူးယစ်ဆေးဝါးနှင့်
စိတ်ကိုပြောင်းလဲစေသောဆေးဝါး များဆိုင်ရာဥပဒေဖြင့် အမှုဖွင့်အရေးယူပြီး
ကွင်းဆက်များဖော်ထုတ်စစ်ဆေးလျက်ရှိကြောင်း သိရသည်။
.
