နန်းဝင်းရီ
.
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊
ဟိုပုံးမြို့ရှိ မြို့မရဲစခန်းတွင် ခိုးယူထားသော ဆိုင်ကယ် ၁၁ စီး ဖမ်းမိထားပြီး
ပိုင်ရှင်ကိုယ်တိုင် လာရောက် ထုတ်ယူနိုင်ဟု ယနေ့(ဩဂုတ်လ ၅ ရက်)တွင် သိရသည်။
.
.
အဆိုပါ ဆိုင်ကယ်များအနက် ၂ စီးအား ပိုင်ရှင်ကိုယ်တိုင် လာရောက်ထုတ်ယူသွားပြီးဖြစ်ကာ
၉ စီး ကျန်ရှိကြောင်း ဟိုပုံးမြို့မရဲစခန်းမှ သိရသည်။
“ဆိုင်ကယ်က ၁၁ စီး ရှိပြီ။ ကျွန်တော်တို့က သူခိုးကို
စစ်လိုက်၊ ပေါ်လိုက် လိုက်သိမ်းလိုက်ပါပဲ။ သူခိုးက လောလောဆယ်တော့ ၄ ယောက် မိထားပြီ။
အဲဒီ ၄ ယောက်ကိုတော့ တရားစွဲမယ့်ရက် မရောက်သေးဘူး။ တရားစွဲရမယ့်ရက် ရောက်ရင်တော့
ခိုးမှုတွေနဲ့ တရားစွဲရမယ်။ အခု အဲ့ ၄ ယောက်က ရဲစခန်း အချုပ်မှာ ရှိတယ်။ တောင်ကြီး
ဘုရားဖြူရပ်ကွက်က တစ်စီး လာထုတ်သွားပြီ။ အခုက ဟိုပုံးတောင်ရပ်ကွက်က တစ်စီး
လာထုတ်တယ်” ဟု ဟိုပုံးမြို့မရဲစခန်းမှ နယ်ထိန်းခေါင်းဆောင် ဒုရဲအုပ် စည်သူအောင်က
ကမ္ဘောဇတိုင်းသို့ ပြောသည်။
.
ပြည်သူများအနေဖြင့် ဆိုင်ကယ်ပျောက်ဆုံးမှု ရှိပါက ဟိုပုံးမြို့မရဲစခန်းသို့
လာရောက် ကြည့်ရှုပြီး ပိုင်ဆိုင်မှု အထောက် အထားနှင့်အတူ လာရောက်ရွေးယူနိုင်ကြောင်း
သိရသည်။
.
