စုလှိုင်
.
တောင်ကြီးမြို့၊ စဝ်စံထွန်း အထွေထွေရောဂါကုဆေးရုံ၊ ၅
ထပ်ဆောင်ရှိ ပြည်သူ့ကျန်းမာရေးဓါတ်ခွဲမှု ဆိုင်ရာ ဌာန(တောင်ကြီး) ဓါတ်ခွဲခန်းတွင်
စက်တင်ဘာ လဆန်းမှ စတင်၍ COVID-19 အပါအဝင်
အခြား ရောဂါ များကို ဓါတ်ခွဲ စမ်းသပ်စစ်ဆေးပေး နိုင် တော့မည်ဖြစ်သည်ဟု သိရသည်။
.
.
“စက်တင်ဘာလ
၄ ရက် ၅ ရက် လောက်မှာ စစ်နိုင်ဖို့တော့ ကြိုးစား နေပါတယ်။ အခုက စက်ပစ္စည်း တစ် ခု
အဆင်မပြေ ဖြစ်နေတဲ့အတွက် အ လှူရှင် ဆီကနေ တောင်းခံထားပါ တယ်။ အဲဒါ ရောက်ပြီဆိုရင်
စစ်လို့ရ ပါပြီ။ ပစ္စည်းကတော့ အမျိုးသား ကျန်းမာရေး ဓါတ်ခွဲမှု ဆိုင်ရာဌာနနဲ့
တင်ဒါအောင်တဲ့ ကုမ္ပဏီတွေက ဆက် တိုက် ပေးပို့ပေးနေပါတယ်။ COVID -19 ကာလမှာ
နိုင်ငံတကာလေ ကြောင်းလိုင်းတွေက ပစ္စည်းမှာတဲ့ အ ခါမှာ ကြန့်ကြာမှုတွေ ရှိနေပါတယ်။
ခု ရက်အတွင်းမှာ ပစ္စည်းတွေကို ရ သ လောက် ဖြည့်ဆည်းပေးနေပါတယ်။ တင်ဒါအောင်တဲ့
ပစ္စည်းတွေ မရခင် စပ်ကြားမှာ NHL
ကနေ ပေးပို့ နေပါ တယ်”ဟု ပြည်သူ့ ကျန်းမာရေးဓါတ် ခွဲမှုဆိုင်ရာဌာန
(တောင်ကြီး)မှ အထူး ကုဆရာဝန်ကြီး (အဏုဇီဝ)ဒေါက် တာ ပိုးပိုးလင်းက ကမ္ဘောဇတိုင်းသို့
ပြောသည်။
COVID-19 ရောဂါပိုး
ဓါတ်ခွဲ စစ် ဆေးမှု ပြုလုပ်ရာတွင် တစ်ဦးလျှင် တစ်ကြိမ် ငွေကျပ် ၂ သိန်းကျော် ကုန်
ကျမည် ဖြစ်ပြီး Quarantine ဝင်
ရောက်နေချိန်တွင် တစ်ကြိမ်၊ ထွက် ခါ နီးတွင် တစ်ကြိမ်၊ တစ်ဦးကို ၂ ကြိမ်
စစ်ဆေးပေးရမည် ဖြစ်သောကြောင့် ၄ သိန်းကျော် ကုန်ကျမည် ဖြစ်ပြီး ကျန်းမာရေးနှင့်
အားကစား ဝန်ကြီး ဌာနမှ အမျိုးသားကျန်းမာရေး ဓါတ်ခွဲမှုဆိုင်ရာဌာန (NHL) နှင့် ပြည်သူ့
ကျန်းမာရေး ဓါတ်ခွဲမှုဆိုင်ရာ ဌာန (PHL)များ အားလုံးအတွက် လုံလုံ လောက်လောက်
စစ်ဆေးပေးနိုင်ရန် စီစဉ်ဆောင်ရွက်
ပေးထားကြောင်း သိရသည်။
.
“ကျန်းမာရေးနဲ့
အားကစားဝန် ကြီးဌာနရဲ့ ညွှန်ကြားချက် အတိုင်းပဲ စစ်ဆေး ပေးရမှာပါ။ အထက်ကညွှန်
ကြားတဲ့အပေါ်မှာ မူတည်ပြီး လက်ခံ စစ်ဆေးရမှာဖြစ်ပါတယ်။ဘယ်မြို့ နယ်ကိုတော့
လက်မခံဘူး၊ ဘယ်မြို့ နယ်ကိုတော့ ပို့ ဆိုပြီး ညွှန်ကြား ပိုင် ခွင့် မရှိပါဘူး”ဟု
ဒေါက်တာ ပိုးပိုး လင်းက ဆက်လက် ပြောဆိုခဲ့သည်။
.
တောင်ကြီးမြို့၊ စဝ်စံထွန်းဆေး ရုံရှိ ပြည်သူ့ကျန်းမာရေး
ဓါတ်ခွဲမှုဆိုင် ရာဌာန (Public
Health Laboratory- PHL)တွင် အထူးကုဆရာဝန်ကြီး ဒေါက်တာ ပိုးပိုးလင်းအပြင် ဦးစီးအ
ရာရှိတစ်ဦး၊Medical
Technologic ၂ ဦး၊ စုစုပေါင်း ဆရာဝန် ၄ ဦးဖြင့် စစ် ဆေးပေးသွား
မည်ဖြစ်ကြောင်း သိရ သည်။
.
အဆိုပါ ဓါတ်ခွဲစမ်းသပ် စက် ထားရှိနိုင်ရန်အတွက်
ဓါတ်ခွဲခန်းကို ရှမ်းပြည်နယ် အစိုးရအဖွဲ့ ပြည်နယ် သဘာဝဘေး ရန်ပုံငွေ ကျပ် ၁၂၆၄
သိန်းဖြင့် တည်ဆောက်ခဲ့ခြင်းဖြစ်ပြီး လိုအပ်သည့် စက်ကိရိယာ ၁၄ မျိုးကို
ဝေအောင်ကမ္ဘာ ကျောက်မျက်ကုမ္ပ ဏီလီမိတက်မှ လှူဒါန်းထားခြင်းဖြစ် ကြောင်း သိရသည်။
.
