COVID-19 ပိုးတွေ့လူနာအသစ် ၁၅ ဦး ထပ်မံ တွေ့ရှိကြောင်း ကျန်းမာရေးနှင့် အားကစားဝန်ကြီးဌာနက ယနေ့ (ဩဂုတ်လ ၂၈ ရက်) ည ၈ နာရီ ထုတ်ပြန်ချက်အရ သိရသည်။
.
ယင်း ထုတ်ပြန်ချက်တွင်
ရှမ်းပြည်နယ် တောင်ပိုင်းမှ ပေးပို့ထားသည့် ဓါတ်ခွဲအဖြေများ မပါရှိသေးကြောင်း ရှမ်းပြည်နယ်
ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာ ဇဝနကို ထံက သိရသည်။
.
အဆိုပါ
အတည်ပြုလူနာများမှာ ရခိုင်ပြည်နယ်မှ အသွားအလာ ကန့်သတ်ထားသူ
၁၀ ဦးနှင့် ရန်ကုန်တိုင်းဒေသကြီးမှ ၅ ဦး တို့ ဖြစ်ကာ အမျိုးသား ကျန်းမာရေး ဓါတ်ခွဲမှု
ဆိုင်ရာဌာန၊ ဆေးသုတေသနဦးစီးဌာန၊ ပြည်သူ့ကျန်းမာရေးဓါတ်ခွဲမှုဆိုင်ရာဌာန (မန္တလေး)၊(မော်လမြိုင်)နှင့် အမှတ်(၁) တပ်မတော်ဆေးရုံတို့မှ
ဓာတ်ခွဲနမူနာ ၁၃၃၄ ခုအနက် ၁၅ ဦး၏ ဓါတ်ခွဲနမူနာတွင် COVID-19 ပိုး တွေ့ရခြင်း ဖြစ်ကြောင်း
သိရသည်။
.
မြန်မာနိုင်ငံတွင်
မတ်လ ၂၃ ရက်မှ ယနေ့ (ဩဂုတ်လ ၂၈ ရက်)၊ ည ၈ နာရီထိ
COVID-19 ပိုးတွေ့ အတည်ပြုလူနာ ၆၄၃ ဦး
ရှိကာ၊ ယင်းအနက် ၆ ဦး သေဆုံး၍ ၃၄၉ ဦးမှာ ပြန်လည် သက်သာလာပြီ
ဖြစ်ကြောင်း သိရသည်။
